Almaty qalasynda Qytaidan Qazaqstanǵa, halyq tutynatyn taýarlardy kontrabandalyq jolmen ákelý jáne asa iri mólsherde jalǵan shot-faktýralar jazý deregi boiynsha qylmystyq iske aiyptaý úkimi shyǵaryldy, dep habarlaidy Dalanews.kz.
Qylmystyq isti Qarjylyq monitoring agenttiginiń Almaty qalasy boiynsha departamenti tergedi.
Tergeý barysynda «Group of the Companies TDA» JShS ýákiletti ekonomikalyq operator mártebesine ie bola tura, Qytaidan 100-den astam konteinerdi zańsyz jolmen elimizge kirgizgeni anyqtaldy.
Sonymen qatar, olardyń baqylaýyndaǵy 10 jaýapkershiligi shekteýli seriktestik arqyly jalǵan shot-faktýralar jazylǵan.
Memleketke keltirilgen zalal (qosylǵan qun salyǵy, korporativtik tabys salyǵy jáne kedendik tólemder boiynsha) 10 mlrd teńgeni qurady.
Sotqa deiingi tergep-tekserý barysynda memleket biýdjetine 643 mln teńge óndirip alyndy.
Sot sanktsiiasymen: jalpy quny 1,3 mlrd teńge bolatyn taýarlarǵa, kúdiktilerge tiesili 300 mln teńge somasyndaǵy múlikke (jer telimderi, avtokólikter, baggi kólikteri, jyljymaly shatyrlar jáne t.b.) shekteý qoiyldy.
Buǵan qosa, atalǵan kompaniiamen bailanysta bolǵan 47 seriktes kásiporyn óz erkimen ózara esep aiyrysýdy toqtatyp, biýdjetke 240 mln teńge salyq tólegen.
Almaty qalasynyń Almaly aýdandyq sotynyń úkimimen kináli tulǵalar múlkin tárkilei otyryp, 1 jyl 4 aidan 4 jyl 6 aiǵa deiin bas bostandyǵynan aiyrý jazasyn taǵaiyndady.
Sonymen qatar, iske qatysy bar bir adamǵa halyqaralyq izdeý jariialandy.
Aita keteiik, Group of the Companies TDA kompaniiasy Ánipa Nazarbaeva men onyń biznes-seriktesi Áli Qlyshpaevpen tikelei bailanysty. «Orda» dereginshe, bul kompaniia birneshe ret ielerin, ataýyn jáne mekenjaiyn ózgertken, alaida 2018 jyldan beri Nursultan Nazarbaevtyń qaryndasy men onyń seriktesiniń basqarýynda bolǵan.
