Telegram arnalar Antıkor Halyqaralyq jasyl tehnologıalar ortalyǵynyń basshysy Oljas Aǵabekovty ustaǵanyn habarlady, – dep jazady Dalanews.kz.
Ol Qazaqstannyń Dýbaıdaǵy pavılonǵa bólingen 270 mıllıon teńge qarjysyn jymqyrdy degen kúdikke ilinýde.
Ázirshe ortalyq basshysynyń naqty qaı pavılonnyń aqshasy qoldy bolǵany jaıynda aqparat joq.
Ótken aptada Antıkor Qorshaǵan ortany qorǵaý mınıstrliginiń qyzmetkerleri men vıse-mınıstr Mansur Oshýrbaev qatysty tergeýdi bastaǵan bolatyn.
Jemqorlyqqa qarasy agenttik Dýbaıda ótken klımattyń ózgerýi jónindegi konferensıaǵa bólgen qarjy talan-tarajǵa salynǵanyn alǵa tartqan-dy.
Oljas Aǵabekov prezıdenttik kadrlyq rezervtiń múshesi. Uzaq jyldar Energetıka mınıstrliginde, keıin Ekologıa jáne tabıǵı resýrstar mınıstrliginde qyzmet etken.
Ol jemqorlyqqa shatylǵan prezıdenttik kadrlyq rezervtiń alǵash túlegi retinde tarıhta qalaıyn dep tur.
