Aǵymdaǵy jyldyń maýsym aiynda el Prezidenti «barlyq deńgeidegi jemqorlyqqa qarsy qarqyndy jumys júrgizilip jatqanyn» atap ótti, – dep habarlaidy Dalanews.kz.
Sybailas jemqorlyqqa qarsy qyzmettiń jartyjyldyq alqa otyrysynda aitylǵandai, aǵymdaǵy jyly Agenttik 876 qylmystyq quqyq buzýshylyqty tirkedi.
Onyń edáýir bóligi paraqorlyqpen, jymqyrýmen jáne laýazymdyq ókilettikterdi teris paidalanýmen bailanysty.
Ákimdikterdiń, kvazimemlekettik sektordyń jáne quqyq qorǵaý organdarynyń qyzmetkerleri jemqorlyqqa barynsha beiim.
Jemqorlyq táýekelderi joǵary salalarǵa bilim berý, aýyl sharýashylyǵy, densaýlyq saqtaý jáne áleýmettik qamsyzdandyrý jatady.
Vedomstvo basshysy A. Jumaǵali atap ótkendei, Agenttik joǵary laýazymdy tulǵalardyń qatysýymen qylmystyq shemalardy áshkereleýge bailanysty sandyq emes, sapalyq kórsetkishterge baǵdarlanǵan.
Anyqtalǵan qylmystardy jasaýda 592 adam áshkerelendi, onyń ishinde 107 basshy.
Olardyń ishinde burynǵy ministrler, vitse-ministrler, komitet tóraǵalary, oblystyq basshylar bar.
Sybailas jemqorlyqqa qarsy qyzmet ádilet eks-ministrine jáne basqa da adamdarǵa qatysty sotqa deiingi tergep-tekserýdi aiaqtady.
Ol jeke kompaniianyń basshylyǵymen birge biýdjet qarajatyn asa iri mólsherde jymqyrdy, alaiaqtyq jasady jáne kásipkerlik qyzmetke zańsyz qatysty dep kúdiktenedi.
Sondai-aq, Agenttik burynǵy mádeniet jáne sport vitse-ministri men merdiger uiymnyń basshylyǵyna qatysty laýazymdyq ókilettikterin asyra paidalandy jáne biýdjet qarajatyn jymqyrdy degen kúdik boiynsha qylmystyq isti tergeýdi aiaqtady.
Atalǵan isterdiń árqaisysy boiynsha zalal 1 mlrd teńgeden asady.
Qaraǵandy oblysy boiynsha Sybailas jemqorlyqqa qarsy qyzmet qyzmettik ókilettikterin asyra paidalandy degen kúdik boiynsha QR TJ jónindegi burynǵy birinshi vitse-ministrine qatysty sotqa deiingi tergep-tekserýdi aiaqtady.
Ol QR TJM áskeri bóliminiń qolbasshylyǵyna jáne Qaraǵandy oblysy TJ departamentiniń laýazymdy tulǵalaryna jeke úi salý úshin áskeri qyzmetshiler men arnaiy tehnikany tartý týraly zańsyz nusqaýlar berdi dep kúdiktelýde.
Zertteý nátijeleri boiynsha Bas áskeri prokýratýra qylmystyq isti máni boiynsha qaraý úshin Aqmola garnizonynyń áskeri sotyna jiberdi.
Astana qalasynyń qylmystyq ister jónindegi aýdanaralyq sotynyń úkimimen QR AShM Balyq sharýashylyǵy komitetiniń tóraǵasy N.T.Júnisov jáne onyń qaramaǵyndaǵylar – balyq resýrstaryn qorǵaý jáne balyq aýlaýdy retteý basqarmasynyń basshysy E.K. Sýyqbaev sottaldy.
Sot úkimimen olarǵa 6 jylǵa bas bostandyǵynan aiyrý jazasy taǵaiyndaldy.
Sonymen qatar, atalǵan adamdar memlekettik qyzmette laýazymdardy atqarý quqyǵynan aiyryldy.
Olar jalpy qamqorlyǵy úshin 2021 jyldan 2024 jyldyń aqpanyna deiin shaǵyn jáne orta biznes ókilderinen júieli túrde para aldy dep aiyptaldy.
Úkim zańdy kúshine engen joq.
Soltústik Qazaqstan oblysynda oblystyq qylmystyq-atqarý júiesi departamentiniń bastyǵy áshkerelendi.
Ol SQO qylmystyq-atqarý júiesi mekemelerine un jetkizý boiynsha qyzmetterdi memlekettik satyp alý shartyn jasasýǵa járdemdeskeni úshin kásipkerlik sýbektisinen 1 mln teńge kóleminde para aldy dep kúdiktelýde.
Sottyń sanktsiiasymen kúdikti úi qamaǵyna alyndy.
Óskemen qalasynyń №2 soty QAJD bastyǵynyń ShQO boiynsha orynbasary Q.A. Ziianovqa qatysty úkim shyǵardy.
Ol sottalǵan – «Operator ROP» JShS burynǵy basshysy M. Qumarǵaliev úshin jazasyn óteýdiń qolaily jáne artyqshylyqty jaǵdailaryn jasaý jolymen laýazymdyq ókilettikterin teris paidalanǵany úshin kináli dep tanyldy.
Sot úkimimen Ziianovqa 1 jyl merzimge bas bostandyǵynan aiyrý, memlekettik qyzmette qyzmet atqarý quqyǵynan ómir boiyna aiyrý jáne «ádilet podpolkovnigi» arnaýly ataǵynan aiyrý túrindegi jaza taǵaiyndaldy.
Úkim zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
