Antikor jemqorlyqtyń aldyn alý jumystary jáne agenttiktiń qyzmeti týraly esep berdi, - dep habarlaidy Dalanews.kz.
Sybailas jemqorlyqqa qarsy is qimyl agenttigi málimetinshe, 27 qazanda buryn kelisilgen 73,5 mln teńgeden 12,2 mln teńge somasynda paranyń bir bóligin alǵannan keiin Ónerkásip jáne qurylys ministrligi Qurylys jáne turǵyn úi-kommýnaldyq sharýashylyq isteri komitetiniń Soltústik óńiri boiynsha "Jobalardyń memlekettik vedomstvodan tys saraptamasy" ShJQ RMK filialynyń direktory áshkerelengen.
Paranyń bir bóligin bergen sheneýnik pen kompaniianyń quryltaishysy sottyń sanktsiiasymen qamaýǵa alyndy.
Túrkistan oblysynyń Sozaq aýdandyq soty Iri building JShS merdigerlik uiymynyń direktory N.T. Ábildinovke, KAZ Design & Development Group LTD JShS avtorlyq qadaǵalaý direktory L.A. Momotqa, avtorlyq qadaǵalaý injeneri S.M. Konchakovqa, sondai-aq tehnikalyq qadaǵalaýdyń naqty menshik iesi – KZ Development akkredittelgen ortalyq JShS B.S. Almatovqa qatysty úkim jariialady.
Ábildinov Túrkistan oblysy Sozaq aýdanyndaǵy Qarataý kenishinde ýran óndirýshi kásiporyndy jańǵyrtý jobasyn iske asyrý sheńberinde qurylys-montajdaý jumystaryna bólingen 862 mln teńgeni 2019-2021 jyldar kezeńinde jymqyrǵany úshin 8 jylǵa bas bostandyǵynan aiyryldy. Onyń sybailastary Momot, Konchakov, Almatov jymqyrýǵa kómekteskeni úshin kináli dep tanylyp, sot olarǵa 7 jylǵa shartty túrde bas bostandyǵynan aiyrý jazasyn taǵaiyndady.
30 qazanda Petropavl qalalyq soty Soltústik Qazaqstan oblysy Taiynsha aýdany ákiminiń orynbasary, aýdandyq TKSh bóliminiń basshysy jáne JShS direktoryna qatysty úkim shyǵardy. Aýdan ákiminiń orynbasary jáne aýdandyq TKSh bóliminiń basshysy aýdandyq mańyzy bar joldardy jóndeý boiynsha oryndalǵan jumystar aktilerine kedergisiz qol qoiǵany úshin 10 mln teńge kóleminde para alǵany úshin, al JShS direktory para bergeni úshin kináli dep tanyldy.
Sot úkimimen aýdan ákiminiń orynbasary 7 jyl 6 aiǵa bas bostandyǵynan aiyryldy, aýdandyq TKSh bóliminiń basshysy – 7 jylǵa, JShS direktory – 3 jyl 6 aiǵa sottaldy. Budan basqa, sottalǵandarǵa memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiy tyiym salyndy.
Shyǵys Qazaqstan oblysy boiynsha Sybailas jemqorlyqqa qarsy qyzmeti J. Jabaev atyndaǵy oblystyq mamandandyrylǵan mektep-internat gimnaziiasynyń eki býhgalterine qatysty qylmystyq is tergeýde.
Olar aldyn ala sóz bailasý arqyly qylmystyq top quramynda 5 jyl boiy óziniń kartochkalyq shottaryna asyra jalaqyny jáne basqa da tólemderdi aýdarý jolymen 120 mln teńge biýdjet qarajatyn jymqyrdy degen kúdikke ilindi.
