Antikor eriktileri memlekettik satyp alý kezinde 15,2 mlrd teńgeniń negizsiz jumsalýynyń aldyn aldy, - dep habarlaidy Dalanews.kz.
Belsendiler sany shamamen 2,5 myń adamdy quraidy. Olar memlekettik satyp alý kezinde 15,2 mlrd teńgeden astam baǵany kóterý táýekelderiniń aldyn aldy.
Mysaly, Almaty qalasy eriktisiniń usynymymen Energetika jáne sýmen jabdyqtaý basqarmasy jyljymaly elektrotehnikalyq zerthananyń satyp alý baǵasyn 45 mln teńgege tómendetti.
Túrkistan oblysynda eriktiler balalar úiiniń tárbielenýshilerin meditsinalyq uiymdarǵa elektrondyq úkimet portaly arqyly bekitýdiń tiisti fýnktsionaly joq ekenin anyqtady. Bul meditsinalyq mekemelerge aqyly negizde júginý qajettiligine ákeldi.
Bul másele salalyq ministrliktermen birlesip 18 jasqa deiingi balalarǵa, onyń ishinde qorǵanshylyq pen qamqorshylyqtaǵy jáne «zańdy ókili» bar balalar (áreketke qabiletsiz nemese áreketke qabiletti kámeletke tolmaǵandar) arasynda joiyldy. Sondai-aq, eriktiler avtojoldar qurylysyn monitoringileýge belsendi qatysady.
Abai oblysynda eriktiler oblystyq joldy jóndeý kezinde jol belgileri bolmaǵanyna jáne jumystyń barlyq kólemi oryndalmaǵanyna nazar aýdardy. Ýaqytyly áreket etý nátijesinde buzýshylyqtar joiyldy.
Elordada eriktiniń eskertýlerimen, merdiger jol salý kezinde topyraq sapasynyń kemshilikterin joiǵan.
