Ol Aýǵanstandaǵy jaǵdai ýshyǵa tússe, Orta Aziia elderi Reseige óz erkimen qosylady dep esepteidi. Jirinovskiidiń bulai degen pikiri partiianyń Youtub-tegi resmi arnasynda jariialanǵan.
“Aýǵanstan halqynyń negizgi bóligi pýshtýndardan turady. Olar Pákistannyń halqyna jaqyn, olar da ózderin pýshtýnǵa jatqyzady. Bular birige kele, qazirgi Aýǵanstan aýmaǵynda Pýshtýnistan atty islam memleketi qurylady. Olar bul oiyn júzege asyrýdy armandaidy, olarǵa kedergi keltirmeńizder. Indiia men bizdiń Orta Aziianyń arasynda bir Pýshtýnistan bolýy qajet…”, – deidi reseilik saiasatker.
Jirinovskii Resei úshin mundai jaǵdaida esh áreket etpeý eń durys qadam dep paiymdaidy.
“Eger Kreml Aýǵanstandaǵy jaǵdaiǵa aralaspai, shet qalar bolsa, túrli-túrli terroristik uiymdardyń ókilderi, bandylary Orta Aziiaǵa basyp kiredi. Olar Aýǵanstannan ashtyq, joqshylyq pen jumyssyzdyqtan qashyp atalǵan aimaqty torýyldaidy.
Orta Aziiada Qazaqstan, Ózbekstan, Túrikmenstan sekildi aýqatty elder bar. Olar aimaqqa basyp kirip, basyp-janshyp, qyryp-joia bastaidy. Biz sonda da aralaspaýymyz qajet. Shamaly ýaqyttan keiin bul elderdiń jetekshileri Máskeý ne bolmasa Saratovqa bas saýǵalap, qashyp keledi. Sodan soń prezident Pýtinge ózderi basshylyq etken memleketti Reseidiń bir gýberniiasy retinde quramyna qosyp alýdy ótinedi. Mine, sol kezde biz bul usynysty qabyl alamyz, Orta Aziia terroristerden, ekstremisterden arashalap, aimaqty radikaldardan tazalaimyz”, – deidi Liberal-demokratiialyq partiiasynyń tóraǵasy.
Jirinovskiidiń pikirinshe, bul jospardyń aqyrǵy aialdamasy – Orta Aziia elderiniń Reseidiń quramyna qosylýymen aiaqtalady. Aimaqta Kremldiń buiryǵyna baǵynatyn Bishkek, Tashkent, Dýshanbe, Ashhabad jáne Shymkent gýberniialary qurylady.
“Eshqandai respýblika, eshqandai prezident degen bolmaidy. Biz buǵan jol bermeimiz”, – deidi saiasatker.
