Osydan 15-20 jyl buryn qazaq balalaryn jappaı amerıkalyq otbasylardyń asyrap alǵany belgili. Osylaısha qarakóz qazaq balalary top-tobymen muhıt asqan bolatyn. Sondaı balalardyń biri Lýıs-Azamat Albertını kindik qany tamǵan jerdi kózben kórip qaıtamyn dep Qazaqstanǵa kelipti. Bul týraly “Qazaqstan” arnasyndaǵy “Búgin jeksenbi” baǵdarlamasynda aıtyldy.

Ol ózin alyp ketken sát esimde joq, sebebi óte kishkentaı boldym deıdi. Dese de qaıda júrse de esinen Qazaqstan shyqpapty.

“Ár adamnyń ishki túısigi bolady ǵoı, meniń de ishki túısigim ylǵı óz otanymdy ańsatyp turatyn. Meniń tólqujatymda Keńes Odaǵynda týǵan dep jazylatyn. Biraq, men otanymnyń Qazaq jeri ekenin bildim, saǵyndym”, – deıdi ol.

Oǵan ata-anasy da ultynyń qazaq ekenin udaıy aıtyp otyrypty.

“Birde men “Bolashaq” baǵdarlamasymen oqýǵa kelgen Janat esimdi jigitpen tanysyp qaldym. Ol maǵan á degennen “sen qazaqqa uqsaısyń” dedi. Sol kezde meniń qýanǵanym sonshalyq ómirimde alǵash ret ózimniń qazaq ekenimdi sezindim”, – deıdi ol.

 

Derekkózi: stan.kz