Amangeldi Aitaly dúnieden ozdy
Bul jaiynda Aqtóbe oblysy ákimdiginiń aqparatynan belgili boldy.
Ol 1939 jyly Astrahan oblysy Volodar aýdany Boldyrevo aýylynda dúnie kelgen. Al joǵary oqý ornyn Aqtóbede oqyǵan.
1964-1967 jyldary qazirgi ál-Farabi atyndaǵy Qazaq ulttyq ýniversitetiniń aspirantýrasynda bilim aldy.
Eńbek jolyn mektepte orys tili men ádebieti muǵalimi bolyp bastady.
Filosofiia ǵylymdarynyń doktory, professor. QR Qoǵamdyq ǵylymdar akademiiasynyń akademigi. Uzaq jyldar bilim jáne ǵylym salasynda qyzmet etken.
1999-2004 jyldar aralyǵynda ekinshi shaqyrylymdaǵy jáne 2004-2007 jyldardaǵy úshinshi shaqyrylymdaǵy Parlament depýtaty.
Birneshe ǵylymi-kópshilik kitaptyń jáne júzdegen ǵylymi maqalanyń avtory. «Qurmet belgisi, «Parasat» ordenderimen marapattalǵan, Aqtóbe qalasynyń qurmetti azamaty.
