Aqtóbe jáne Batys Qazaqstan oblystaryndaǵy kezdesý barysynda turǵyndar eldi mekenderdi qalpyna keltirý máselelerin kóterdi.
Partiia zardap shekken aýdandarǵa 70 mln teńgeden astam somaǵa qurylys materialdaryn jetkizýdi kózdep otyr.
Aqtóbe oblysynyń Qobda aýdanynda 101 úi, Batys Qazaqstan oblysynda 80-ge jýyq úi tasqynnan zardap shekti.
Sý basqan eldi mekenderdiń turǵyndarymen kezdesýde «AMANAT» partiiasynyń músheleri bólingen kómektiń adamdarǵa jetken-jetpegenin naqtylap, úilerdi qalpyna keltirý úshin taǵy qandai kómek qajet ekenin anyqtady.
«AMANAT» partiiasy árqashan halyqpen birge. Bul joly da partiialyqtar shet qalǵan joq. On kún ishinde partiia esebinen úilerdi qalpyna keltirýge qajetti qurylys materialdary satyp alynyp, zardap shekkenderge jetkiziledi», – dedi Erlan Sairov.
Depýtattyqqa kandidat jyl saiyn tasqyn belgili bir jerlerde ǵana oryn alatynyn, biraq onyń aldyn alý úshin júieli sharalar qabyldanbaitynyn atap ótti.
Sondyqtan, partiianyń sailaýaldy baǵdarlamasynda qamtylǵan mindettiń biri: turǵyndardy maýsymdyq sý tasqynynan qorǵaý jáne gidrotehnikalyq qurylystar júiesinde tártip ornatý. Májilistiń jańa shaqyrylymynda «AMANAT» partiiasynyń fraktsiiasy tasqyn máselesin zańnamalyq deńgeide sheshýge kirisedi.
Tasqynnan zardap shekken turǵyndarǵa ótemaqy tóleý máselesi jeke talqylandy. Májilis depýtattyǵyna kandidat Erbol Salyqovtyń aitýynsha, «AMANAT» filialdary ótemaqynyń ádil ári ýaqtyly tólenýi máselesin baqylaýǵa alady.
Amanattyqtar turǵyndarǵa «AMANAT» partiiasynyń Aqtóbe oblysy boiynsha óńirlik baǵdarlamasyn iske asyrý aiasynda aldaǵy 5 jylda 8 bógetke kúrdeli jóndeý júrgizýge qol jetkizýge nietti ekenin jetkizdi.
2028 jylǵa deiin Batys Qazaqstan oblysynda 9 magistraldi sý arnasy jáne 7 qoldanystaǵy sý qoimasy qaita jóndeledi.
