Soltústik Qazaqstan oblysy Aiyrtaý aýdanynyń turǵyndary «AMANAT» partiiasynyń respýblikalyq mobildi qoǵamdyq qabyldaý bólmesiniń ókilderine sýmen qamtý, joldardy jóndeý, kóshelerdi jaryqtandyrý, jumysqa ornalastyrý jáne kásipkerlikti qoldaý sekildi máseleler boiynsha júgindi.
Antonovka aýylynyń turǵyny Irina Ekimenko jańa sý qubyryn salý máselesin kóterdi.
– Aýyldaǵy sý qubyry 80-shi jyldan beri bar. Onyń 90 paiyzy tozyǵy jetti. Men Qoǵamdyq qabyldaý bólmesine habarlasqan soń, eki aidan keiin jobalaý-smetalyq qujattamanyń daiyn bolatyny, al qarasha aiynda biýdjetten aqsha suralatyny týraly jaýap aldym, – dep atap ótti Irina Ekimenko.
Atyraý oblysyna qarasty Isatai aýdanynda qabyldaýǵa 30-dan astam adam keldi. Ózekti máselelerdiń qatarynda jol jóndeý, aýyldardy abattandyrý jáne áleýmettik mańyzy bar nysandardyń qurylysy bar.
– Men «AMANAT» partiiasyna aýyl turǵyndarynyń atynan keldim. Bizdiń aýyl arqyly ótetin Atyraý-Astrahan tas jolyn qaita jóndeýden ótýine bailanysty malǵa arnalǵan ótkel qajet. Oǵan laiyqty oryn da daiyn. Alaida, bizdi tolǵandyrǵan máseleniń aiaqsyz qalmai, baqylaýda bolǵanyn qalaimyz, – dedi ol.
Jergilikti turǵyn Qalidolla Qadyrov amanattyqtarǵa jaiylymdyq jerlerdiń jetispeýshiligi máselesi boiynsha shaǵymyn aitty.
– Jaqyn mańdaǵy ózek aýmaǵynda sý joq. Sondyqtan sý men shóp izdep kórshi aýyldarǵa mal aidap ketýge týra keledi. Biz aýylda mal jaiatyn jáne sýaratyn oryn bolǵanyn qalaimyz. Keibir jerlerdi jeke sharýashylyqtar jekeshelep qorshap aldy. «AMANAT» partiiasy bul máseleni respýblika deńgeiinde kóterip otyr. Sondyqtan biz bul máseleniń oń sheshimin tabatynyna senimdimiz, – deidi ol.
«AMANAT» partiiasy Respýblikalyq Qoǵamdyq qabyldaý bólmesiniń basshysy Áliia Sadyrbaeva 4 shildede shalǵai eldi mekenderge sapardyń ekinshi kezeńi bastalǵanyn atap ótti.
– Birinshi kezeń 14 naýryz ben 14 maýsym aralyǵynda ótti. Ekinshi kezeń kezinde 131 aýyldyq okrýgte bolyp, myńǵa jýyq adam qabyldady. Máselelerdiń 25%-y der kezinde oń sheshimin tapsa, qalǵandary baqylaýǵa alynady, – dedi Áliia Sadyrbaeva.
Eske sala keteiik, «AMANAT» partiiasynyń qoǵamdyq qabyldaý bólmelerine jyl basynan beri 91 myńnan astam adam júgindi. Memlekettik organdardyń basshylary men túrli deńgeidegi depýtattar 18 myńnan astam qabyldaý ótkizip, onyń barysynda 46 myńnan astam adam qabyldandy.
