İs-sharaǵa partıalyq tizimge engen kandıdattar jáne partıanyń atynan Májiliske usynylǵan birmandatty úmitkerler, shtab músheleri, partıanyń «Jastar Rýhy» jastar qanatynyń belsendileri, partıa jaqtastary qatysty.
«Bizdiń baǵdarlama – qoǵamda ábden qaınap, pisip-jetilgen problemalardy sheshýdiń naqty joly, naqty jospary. Ótken jyldyń ózinde partıa óńirlerde, aýyl-aımaqta myńdaǵan kezdesý ótkizip, turǵyndardan 200 myńnan astam usynys-pikir jınaǵan bolatyn. Halyqty tolǵandyrǵan máselelerdi muqıat taldap, júıelendire kele 10 negizgi baǵyttan turatyn qujatty ázirledik. Odan árbir otandasymyz ózi úshin ózekti máselelerdiń jaýabyn taba alady», – dedi partıa Tóraǵasy.
Ol ár oblystyń, qalanyń demografıalyq, áleýmettik jáne ekonomıkalyq ereksheligin eskere otyryp, 20 aımaqtyq saılaýaldy baǵdarlama ázirlengenin atap ótti. Sonymen qatar, birmandatty okrýgter boıynsha saılaýǵa qatysatyn partıanyń árbir kandıdaty óziniń saılaýaldy baǵdarlamasyn ázirledi.
Aıta keteıik, shtab quramyna partıanyń 486 belsendi jaqtasy kirdi. Óńirlik jáne aýmaqtyq 226 saılaýaldy shtabqa 7,5 myńǵa jýyq adam jumyldyrylady. Saılaýshylarmen kezdesý kestesi daıyndaldy. Bul jumysqa kandıdattardyń 27 myńnan astam senimdi ókili atsalysady.
Respýblıkalyq jáne 20 óńirlik saılaýaldy baǵdarlamanyń tolyq mátinimen, sondaı-aq «AMANAT» partıasynan depýtattyqqa usynylǵan kandıdattardyń tizimimen jaqynda ınternetten tanysýǵa bolady.
https://dalanews.kz/suranys/86821-bukhara-oral-gaz-qubyrynyng-ushinshi-zhe
