Málimdemede biyl qasiretti qańtar oqiǵasyn bastan keshken Qazaqstan halqy syn saǵatta judyryqtai jumylyp, radikalizm men ekstremizmdi qoldamai, progress pen igi ózgerister jalǵasyn tabýyn qalaǵany aityldy.
– Elimiz damýdyń jańa kezeńine – Jańa Qazaqstanǵa aiaq basty. Bul bizdiń san ǵasyrlyq tereń tarihymyzdaǵy betburysty jáne taǵdyrsheshti sát. Mundai jaǵdaida syndarly ózgerister men evoliýtsiialyq jańǵyrý ǵana qiyndyqtardy eńserip, elimizdiń turaqty damýyn qamtamasyz etedi. El men halyq aldynda tarihi jaýapkershilik alǵan Prezident Qazaqstan halqyna Joldaýyn jariialap, elimizdi saiasi, ekonomikalyq jáne áleýmettik turǵyda reformalaýdy tereńdetýge baǵyttalǵan aýqymdy reformalar josparyn usyndy, – dedi Atqarýshy hatshy.
Ol AMANAT partiiasy Prezidenttiń júieli jáne keń aýqymdy reformalaryn tolyǵymen qoldaitynyn atap ótti. Osylaisha, Memleket basshysynyń reformalary aiasynda partiia ózgeristerdi ózinen bastap, ishki transformatsiiany qolǵa aldy.
– Biz reformalar baǵytyna balama joq ekenine senimdimiz. Saiasi liberalizatsiia jáne áleýmettik ádilettilik – bul azamattardyń ótinishterine der kezinde berilgen jaýap. Biz barsha qazaqstandyqtardy birlik pen yntymaqqa, barlyq qoǵamdyq-saiasi kúshterdi toptasýǵa shaqyramyz. Bizdiń birligimiz nyǵaiǵanda ǵana Táýelsizdik pen Memlekettilikti berik etip, ortaq Otanymyz ben barlyq azamattardyń ál-aýqatyn arttyra alamyz! – dep atap ótti Ashat Oralov.
Respýblikalyq jiyn barysynda búgin Memleket basshysynyń Joldaýynda aitylǵan sharalardy iske asyrýǵa qatysty birqatar naqty tapsyrmalar berildi.
Sondai-aq, beinekonferentsiia bailanysy arqyly ótken jiynda Batys Qazaqstan, Qaraǵandy oblystyq filialdarynyń atqarýshy hatshylary Murat Muqaev pen Bekzat Altynbekov, Almaty oblystyq filialynyń atqarýshy hatshysy Gúlnýr Toilybaeva, Shymkent qalalyq filialynyń atqarýshy hatshysy Janar Bektaeva jáne Shyǵys Qazaqstan oblystyq filialy atqarýshy hatshysynyń orynbasary Aigúl Baijanova sóz sóiledi. Olar Prezident júieli problemalarmen kúresýdiń naqty tiimdi tetikterin usynǵanyn atap ótti. Memleket basshysynyń saiasi bastamalary eldi odan ári damytý jáne qoǵamdyq kelisimdi nyǵaitý úshin ózgerister jasaýdyń mańyzdy ári ózekti ekenin kórsetedi.
