Kezdesýde partıalyq baǵdarlamanyń aýyldy túletýge qatysty basymdyqtary týraly aıtyldy. Máselen, «AMANAT» aýyl halqynyń tabysyn arttyrý maqsatynda «Aýyl amanaty» jobasyn iske qosty. Úkimettiń 2027 jylǵa deıin aýylǵa qatysty 100-den astam ınvestısıalyq jobany iske asyrýyn qadaǵalap, eldi mekender ınfraqurylymyn jańǵyrtýǵa bir trıllıon teńge bólýge kúsh salady.
Sondaı-aq partıa «Jer amanaty» jobasyn sátti júzege asyryp keledi. Byltyr 5 mln gektardan astam paıdalanylmaǵan jer qaıtaryldy jáne bul jumys odan ári jalǵasady.
– Aýyl sharýashylyǵy jerlerin ádil ári ashyq bólýdi jáne paıdalanýdy iske asyrý úshin biz ǵaryshtyq monıtorıńti damytý jónindegi jumysty jalǵastyramyz, elektrondy jer kadastryna ashyq qoljetimdilikti qamtamasyz etemiz.
Sonymen qatar, «AMANAT» partıasy shekarada ornalasqan aýyldardyń máselelerin sheshýge kúsh salady. Ár aýylda, tipti shalǵaı jatqan jáne jetý qıyn aýyldarda da ınternet bolýy kerek. Biz qazaqstandyq baılanys spýtnıkteriniń kómegimen eldiń 500 aýylyn ınternetpen qamtamasyz etemiz.
Túgel aýyl túlesin deseńizder, 19 naýryzda «AMANAT»-qa daýys berińizder! – dedi oblystyq máslıhatqa úmitker Bolat Nurpeıisov.
Kezdesý sońynda Jetiaral turǵyndarynyń usynystary men ótinish-tilekteri tyńdaldy.
Shyǵys Qazaqstan oblystyq máslıhaty depýtattarynyń
saılaýynda partıalyq tizimdi usynǵan «AMANAT»
partıasy Saılaý qorynyń qarajatynan tólendi
