Óskemen qalasynda voleıboldan el chempıonaty óz máresine jetti. Fınaldyq oıynda «Astana» komandasyn 3:0 esebimen jeńgen «Altaı» voleıbol komandasy upaı sany boıynsha «Ertis-Kazhrom» komandasynan asyp túsip, jeńiske jetti.
Aıta keteıik, «Altaı» voleıbol klýbynyń erler jáne áıelder quramy ótken jyly da el birinshiliginde jeńiske jetken edi.
– QR voleıbol federasıasy atynan chempıonattyń júldegerleri men jeńimpazdaryn shyn júrekten quttyqtaımyn. Sharany joǵary deńgeıde ótkizip, qoldaý bildirgeni úshin SHQO ákimi Danıal Ahmetovke alǵys bildiremin. Aldaǵy voleıboldan ótetin Azıa chempıonatynda «Altaı» komandasynyń oıynshylary el namysyn abyroımen qorǵap, joǵary jetistikke jetedi degen senimdemin, – dedi QR voleıbol federasıasynyń bas hatshysy Ermek Syrlybaev.
25 – 31 mamyr aralyǵynda Óskemende áıelder arasynda voleıboldan klýbtyq Azıa chempıonaty ótpek. Atalǵan chempıonatta Qazaqstan atynan «Altaı» voleıbol klýby óner kórsetedi.
Esterińizge salsaq, jýyrda «Altaı» klýbynyń erler quramy ýaqytynan buryn birinshiliktiń chempıony ataǵyna qol jetkizgen bolatyn. Osylaısha «Altaı» eki márte el chempıony atanyp, jeńis tuǵyrynyń eń bıiginen kórindi.
