Bıyl tártip saqshylarynyń syıaqysyna 700 mıllıon teńge bólindi. Mereke kúnderine oraı taǵy 200 mıllıon teńge qosymsha syıaqy berilgen.
– Biz táýelsiz jáne kópultty memlekette ómir súrip jatyrmyz, Qazaqstannyń Tuńǵysh Prezıdenti – Elbasynyń saıasatynyń arqasynda turaqty, myqty memleket quryldy. Táýelsizdik jyldary kóp nársege qol jetkize aldyq. Bizdiń elordamyz-elimizdiń táýelsizdigi men úzdiksiz damýynyń sımvoly.
Sizder kúrdeli de ıgi mısıany oryndap, azamattardyń quqyǵy men qaýipsizdigin qamtamasyz etesizder. Elbasy qoǵamda kez kelgen quqyq buzýshylyqqa múldem tózbeýshilik qalyptastyrý mindetin qoıdy. Prezıdent Qasym-Jomart Kemeluly Toqaev İİM keńeıtilgen alqa otyrysynda vedomstvonyń jumysy júıeli jáne naqty uıymdastyrylýǵa tıis ekenin atap ótti.
Birlesken jumystyń arqasynda qylmys sany 23%-ǵa, qoǵamdyq oryndarda 44%-ǵa, al aýyr qylmystar sany 40%-ǵa azaıdy. Sizderdi kele jatqan Táýelsizdik kúnimen quttyqtaımyn. Sizge jáne sizdiń otbasyńyzǵa amandyq pen densaýlyq tileımin, – dedi qala ákimi Altaı Kólginov.
Aǵymdaǵy jyldyń jaz mezgilinde «Esil» aýdany polısıa basqarmasynyń qyzmetkerleri úshin jańa ǵımarat ashyldy. Qyzmetkerlerge qosymsha arnaıy mashınalar men syıaqy berildi. Qala ákimi Altaı Kólginov pen polısıa departamentiniń bastyǵy Erjan Sadenov erekshe kózge túsken tártip saqshylaryna alǵys hattar tabys etti.
