Qazaqstan musylmandary dini basqarmasynyń Tóraǵasy, Bas múfti Naýryzbai qajy Taǵanulynyń bastamasymen uiymdastyrylǵan halyqaralyq «QMDB EXPO-2026» kórmesi Almaty qalasynda óz máresine jetti, dep habarlaidy dalanews.kz.
Eki kúnge sozylǵan aýqymdy sharaǵa otandyq jáne sheteldik 100-ge jýyq kásiporyn qatysyp, óz ónimderi men qyzmetterin kópshilik nazaryna usyndy. Kórmeni eki kún ishinde 30 myńnan astam adam tamashalap, halal ónimdermen tanysyp, saýda jasady.
Kórme barysynda kelýshilerge 9 tonna sút ónimderi, 1 tonnaǵa jýyq balmuzdaq, 5 tonna et ónimderi, 4 tonna qus eti, 8 tonnaǵa jýyq konditerlik ónimder, 5 tonnaǵa jýyq shujyq ónimderi, 3 tonnadan astam jartylai fabrikattar usynyldy. Sondai-aq 5 tonnaǵa jýyq sýsyndar – kofe, shai jáne siroptar, 2 tonnaǵa jýyq emdik-profilaktikalyq ónimder saýdaǵa shyǵaryldy.
«QMDB EXPO-2026» tek ónim usynatyn saýda alańy ǵana emes, otandyq jáne sheteldik kásipkerlerdiń ózara tájiribe almasyp, jańa iskerlik bailanystar ornatýyna múmkindik bergen halyqaralyq alańǵa ainaldy.
Sonymen qatar eki kún boiy halal indýstriiasy, islam qarjysy, kásipkerlik jáne biznestiń áleýmettik jaýapkershiligi baǵytynda arnaiy is-sharalar uiymdastyrylyp, sala mamandary men sarapshylar tájiribe almasty.
Kórme aiasyndaǵy arnaiy marapattaý rásiminde salada úzdik nátije kórsetken kásiporyndar men mamandar «Úzdik halal kásiporyn», «Senim men sapa kepili» jáne «Úzdik maman» nominatsiialary boiynsha marapattaldy.
