Almaty qalasynyń ákimi Baqytjan Saǵyntaev qala aýmaqtaryn keshendi damytýdy óziniń qyzmetiniń basty basymdyǵy dep sanaidy, sondyqtan bul tizimde jańa turǵyn shaǵyn aýdandar ǵana emes, jańa qonystanýshylar úshin yńǵaily áleýmettik infraqurylym – balabaqshalar, mektepter, emhanalar, demalys jáne sport ortalyqtary da bar.
Sapar Nurashevtiń málimetinshe, biyl Jaily qalalyq orta basqarmasy 29 áleýmettik nysan salyp, paidalanýǵa berdi. Áleýmettik nysandar kóbinese turǵyn úi keshenderimen qatar salynýda.
– Almatynyń barlyq turǵyn aýdandary turǵyndardyń qajettilikterin eskere otyryp damýda. Birinshi kezekte árbir aýdandy mektepterdegi, balabaqshalardaǵy oryndarmen, emhanalarmen jáne qoljetimdi turmystyq servistermen qamtamasyz etý mindeti tur. Mysaly, Aqjar jáne Taýsamaly shaǵyn aýdandarynda árqaisysy 120 oryndy eki balabaqsha salyndy, sondai-aq órt sóndirý deposynyń qurylysy aiaqtaldy, – dedi Sapar Nurashev.
Ákimdiktiń kúshimen áleýmettik nysandar, ásirese mektepter qoljetimdi bolýy úshin barlyq jaǵdai jasalýda. Ol úshin qolda bar bilim berý nysandaryn keńeitý qarqyndy júrip jatyr. Biyl №6, 38, 57, 60, 102, 121, 133, 144, 166, 170, 199 mektepteriniń janyndaǵy 11 qosalqy nysannyń qurylysy aiaqtaldy. Bul oqýshylar oryndarynyń sanyn 4 600 birlikke arttyrýǵa múmkindik berdi.
Qurylys salynatyn oryndar osyndai nysandardyń qajettiligi men tapshylyǵyn eskere otyryp belgilenedi. Máselen, 2021 jáne 2022 jyldary Almatyda qosymsha 45 áleýmettik nysan salý josparlanýda, onyń 34-i – jańa qurylys, al 11-i – seismikalyq kúsheitý jáne ǵimarattardy kúrdeli jóndeý.
– Saialy, Tomiris, Qalqaman-2, Darhan, Mádeniet, Qairat, Nurkent shaǵyn aýdandarynda 12 600 oryndy segiz mektep; Markov kóshesi, 28B jáne Jas-Qanat shaǵyn aýdanynda toǵyz qosalqy nysan, eki balabaqsha, alty dene shynyqtyrý-saýyqtyrý kesheni, alty densaýlyq saqtaý, sport jáne úsh áleýmettik mańyzy bar obekt salý bizdiń josparymyzda bar, – dep atap ótti Sapar Nurashev.
3 663 oryndy jeti qosalqy nysannyń qurylysy aiaqtalǵan kezde biyl oqýshy oryndarynyń tapshylyǵy azaiady, 2022 jyldyń ekinshi toqsanynda 375 oryndy taǵy eki qossalqy nysan s alynatyn bolady.
Budan basqa, Áleýmettik qyzmetter úii (Dostyq dańǵyly, 85), balalardy áleýmettik beiimdeý ortalyǵy, Almaty servistik qyzmet kórsetý kolledji, Aýdanaralyq týberkýlezge qarsy dispanser, №23, 71, 186 bóbekjai-baqshalary, №7, 40, 45, 54 81 mektepter jáne №6 emhana siiaqty nysandarda seismikalyq kúsheitý jumystary aiaqtaldy.
Qala turǵyndary úshin yńǵaily jáne jaily orta qurý boiynsha aýqymdy ózgerister júrip jatyr. Uzyndyǵy 2,1 shaqyrym Kishi Almaty ózeniniń jaǵalaýyn rekonstrýktsiialaý aiaqtaldy, 18,4 myń sharshy metr gazon, 3 myń butalar men aǵashtar otyrǵyzyldy, 298 ShSN (shaǵyn sáýlettik nysan) jiyntyǵy ornatyldy, 6,7 myń sharshy metr asfaltbeton tóseldi.
– Jambyl kóshesi boiymen Dostyq dańǵylynan Naýryzbai batyr kóshesine deiin uzyndyǵy 1,5 shaqyrym qoǵamdyq keńistik rekonstrýktsiialandy, 1,2 myń sharshy metr gazon, 454 butalar men aǵashtar otyrǵyzyldy, 69 ShSN jiyntyǵy ornatyldy, 14,9 myń sharshy metr asfaltbeton tóseldi, – dedi Sapar Nurashev.
Sózin jalǵastyra kele, spiker 2021 jyly qandai nysandardyń qurylysy bastalǵanyn jáne kelesi jyly aiaqtalatynyn aitty.
– Qazirgi kezde Almatyda alty deneshynyqtyrý-saýyqtyrý kesheniniń qurylysy júrip jatyr. Olar Jas Qanat, Qulager, Alataý, Ainabulaq-2, Kemel jáne Zerdeli shaǵyn aýdandarynda ornalasqan. Olardyń aiaqtalý merzimi aǵymdaǵy jyldyń sońyna josparlanǵan, Zerdeli shaǵyn aýdanyndaǵy DShSK 2022 jyldyń birinshi toqsanynda salynady, – dedi Sapar Nurashev.
Kelesi jyly №129, 145, 166 mektepter men №7, 113 balabaqshalardyń seismoturaqtylyǵyn kúsheitý jumystaryn aiaqtaý josparlanýda. Almatynyń taǵy bir iri jobasy – Balalarǵa shuǵyl meditsinalyq kómek kórsetý ortalyǵyna arnalǵan operatsiialyq blogy bar qabyldaý bólimshesiniń tórt qabatty korpýsy salynady.
«Kemel» shaǵyn aýdanynda 200 kelýshige arnalǵan otbasylyq-dárigerlik ambýlatoriia qurylysyn aiaqtaý qarastyrylǵan. Sondai-aq, Qalqaman shaǵyn aýdanyndaǵy №7 qalalyq klinikalyq aýrýhananyń qabyldaý bóliminiń eki qabatty qosalqy nysany salynady. Bul joba qýattylyqty jylyna 80 myń patsientke arttyrýǵa múmkindik beredi», - dedi Sapar Nurashev.
2022 jyly Bostandyq aýdanynda órt sóndirý deposy salynady, burynǵy tramvai parkiniń bazasynda «DEPO Evolution Park» kópfýnktsionaldy jastar kesheniniń ǵimaraty jáne memlekettik qýyrshaq teatrynyń qosalqy nysany rekonstrýktsiialanady.
