Almatynyń Alataý jáne Jetisý aýdandarynda birqatar úidi sý basty
Vedomstvo aqparatyna qaraǵanda, Alataý aýdany Alǵabas shaǵyn aýdanynyń Beibitshilik, Jeltoqsan jáne Aqsai kósheleri boiynsha 27 turǵyn úi men 27 aýlaǵa sý kirgen. Al Jetisý aýdanynda Esentai ózeniniń arnasynan asýy saldarynan Letniaia men Uiǵyr kósheleri boiyndaǵy 37 jeke turǵyn úi men 27 aýlany sý basqan.
Qazirgi ýaqytta azamattyq qorǵanys qyzmetiniń mamandary men tehnikalary jeke turǵyn úi aýmaqtarynan sýdy sorý, ózen arnalaryn biiktetý jumystaryn júrgizip, sý tasqyny qaýpi bar ýchaskelerdegi halyqty qulaqtandyrý jumystaryn júrgizýde. Qaýipsiz jerge kóshirilgen turǵyndar Alataý aýdanynda №185 mektepke, al Jetisý aýdanynda №87 mektepke ornalastyryldy.
Jańbyr sý saldaryn joiýǵa 382 maman men 80 tehnika jumyldyryldy. Sonymen qatar azamattyq qorǵanystyń kólik qyzmeti tótenshe jaǵdai aýmaǵynan halyqty qaýipsiz jerge kóshirý úshin 1 myń avtobýs daiyndap qoidy.
Aita keterligi, «Qazgidromet» usynǵan málimetterge sáikes, ótken táýilkte qala aýmaǵyna 55 mm. Jabyr jaýǵan, bul ortasha ailyq normadan tys. Aýa raiy boljamyna qaraǵanda, 12 saǵattan keiin taǵy da jańbyr jaýady.
Derekkózi: QazAqparat
