«Halyqqa qoljetimdi politsiia» negizgi elementi bolýǵa tiis Ishki ister organdarynyń azamattarmen ózara qarym-qatynasynyń servistik modeli quqyqtyq tártip salasyndaǵy problemalardy birlesip sheshýge baǵyttalǵan. Basty maqsat – kósheler men basqa da qoǵamdyq oryndarda qylmystyń aldyn alý.
Quqyq buzýshylyqtardyń aldyn alý boiynsha jumystyń tiimdiligin arttyrý maqsatynda buǵan deiin politsiianyń servistik modeli pilottyq rejimde Alataý aýdanynyń «Ójet» yqshamaýdany men Bostandyq aýdanyndaǵy «Keremet» turǵyn úiinde iske qosylǵan bolatyn.
Taldaý nátijeleri negizinde atalǵan aýmaqta quqyq buzýshylyqtardyń jolyn kesý maqsatynda jumysty kúsheitý boiynsha sharalar qabyldanyp, politsiianyń qosymsha modýldik beketi ornatyldy, tártip saqshylarynyń jaiaý nariadyn patrýldeý ulǵaityldy.
Sonymen qatar, Almatyda «Halyqqa qoljetimdi politsiia» qaǵidaty aiasynda qalanyń ýchaskelik politsiia inspektorlarynyń shtaty 113 birlikke ulǵaityldy. 9 qosymsha ýchaskelik politsiia pýnkti satyp alyndy. Odan bólek, 441 birlik beinetirkegish pen 432 planshet alyndy. Saiabaq aimaqtarynda, azamattardyń jappai demalý oryndarynda patrýldik nariadtar úshin 55 birlik kólik quraldaryn satyp alýǵa qarajat bólindi.
Erjan Babaqumarov pilottyq jobany iske asyrýdyń aralyq nátijelerine sáikes servistik politsiia tájiribesin shaǵyn eldi mekennen Alataý aýdanyna deiin ulǵaitý týraly sheshim qabyldanǵanyn habarlady. Búginde aýdandaǵy turǵyn sany 300 myńnan astam adamdy quraidy.
Sóitip, Alataý aýdanynyń bar aýmaǵy servistik tásildi engizýdiń pilottyq aimaǵy bolyp belgilendi. Osyǵan bailanysty aýdan ákimi apparaty janyndaǵy qoǵamdyq qaýipsizdikti qamtamasyz etýde servistik tásildi engizý, uiymdastyrýshylyq jáne institýtsionaldyq sipattaǵy tiisti jumystardy júrgizý boiynsha aýmaqtyq vedomstvoaralyq top qurý jóninde tapsyrmalar berildi.
Atap aitqanda, jobalaý keńsesi aýdan turǵyndarymen birlesip, turǵylyqty halyq arasynda taldaý men saýalnama júrgizedi, quqyq buzýshylyqtarǵa yqpal etetin sebepter men jaǵdailardy skanerleidi. Bul jumystyń nátijesi pilottyq aýmaqty kartaǵa túsirý men ýchaskelik inspektorlardyń jumysyn túzetý, patrýldeý júiesin keńeitý, qosymsha beinebaqylaý kameralaryn ornatý, jaryqtandyrý syndy sheshimder qabyldaýmen sipattalady.
Jalpy, politsiianyń servistik modelin ulǵaitý quqyq buzýshylyqtardyń aldyn alý jáne qoǵamdyq qaýipsizdikti nyǵaitý salasyndaǵy jumystyń tiimdiligin arttyrýǵa múmkindik beredi.
