Ońtústik astana ákimdiginiń habarlaýynsha, velosherýge 16 jastan asqan myńǵa jýyq adam qatysady.
Jalpy qashyqtyǵy – 15 shaqyrym. Velosherý saǵat 9:00-de Rozybakiev kóshesindegi MEGA Center Alma-Ata saýda-oiyn-saýyq ortalyǵy aýmaǵynda bastalady. Odan ári baǵyt ál-Farabi dańǵylynyń boiymen jalǵasady.
Osyǵan bailanysty Rozybakiev kóshesi – Levitan kóshesinen Malahov kóshesine deiin saǵat 6.00-den 10.00-ge deiin, ál-Farabi dańǵyly (ońtústik jaǵy) - Rozybakiev kóshesinen Nazarbaev dańǵylyna deiin shyǵys baǵytta saǵat 9.00-den 9.30-ǵa deiin (velosherý júrip ótken saiyn qozǵalys ashylyp otyrady), ál-Farabi dańǵyly Nazarbaev dańǵylynan Rozybakiev kóshesine deiin batys baǵytta - 9.05-ten 10.00-ge deiin jabylady, – delingen Almaty qalasy ákimdiginiń baspasóz qyzmeti habarlamasynda.
Velosherýdiń bastamashysy – Qazaqstandaǵy Niderlandy Koroldiginiń Elshiligi.
Velosherýdiń uiymdastyrýshylary – Qazaqstan velosport federatsiiasy men Qazaqstan triatlon federatsiiasy. Is-shara Almaty qalasy ákimdiginiń qoldaýymen ótedi.
Orange BeNeLux Bicycle Tour myna ideialardy usynady:
velosipedterdi kólik quraly retinde paidalaný men jol qaýipsizdigin jaqsartý, sonymen qatar olardy turaqty utqyrlyq pen kólik infraqurylymyn josparlaý men jobalaýǵa biriktirý;
barlyq adam úshin (erler men áielder, eresekter men kámeletke tolmaǵandar) dene tárbiesin, salaýatty ómir saltyn, aýrýdyń aldyn-alýyn, dene jáne psihikalyq densaýlyq pen salaýattylyqty nyǵaitýdy nasihattaý;
toleranttylyqty, ózara túsinistikti jáne áleýmettik integratsiiany nasihattaý.
Velosherýden keiin AlmaU Ýniversitetinde Niderlandy Koroldiginiń Elshiligi men Urban Forum Kazakhstan qoǵamdyq qorynyń uiymdastyrýymen paneldik pikirtalas ótedi.
Talqylaý velosiped infraqurylymy men oǵan qatysty taqyryptarǵa arnalady, – delingen Almaty qalasy ákimdiginiń baspasóz qyzmeti habarlamasynda.
Sonymen qatar, qatysýshylarǵa Dutch Cycling Embassy uiymynyń "Ozyq tájiribe. Niderlandydaǵy velosiped mádenieti" kitabynyń úsh tilde basylǵan shekteýli danalary beriledi. Talqylaýǵa Urban Forum Kazakhstan, Niderlandy jáne t.b. sarapshylary qosylady.
Kúni men ýaqyty: 2 qazan, 09:00 – velosherýdiń bastalýy, 11:00 – paneldik pikirtalastyń bastalýy. Ótetin orny: Mega Center Alma-Ata saýda-oiyn-saýyq ortalyǵy, AlmaU Ýniversiteti
