Almatyda bolǵan oqiǵa ornynan qutqarýshylar 1984 jyly týǵan er adamnyń, 1980 jyly týǵan áiel adamnyń jáne 2007 jyly týǵan eki jasóspirimniń denesin taýyp, alyp shyqty, dep habarlaidy Dalanews.kz.
TJM málimetinshe, ministrlik úiindilerdi bólshekteý jáne balshyq massasynan tazartý jumystarynyń áli jalǵasyp jatqanyn aitty.
"Jumystyń qiyndaýyna ótkir zat, áinek, armatýra, saz balshyq massasynyń úlken bolýy jáne tehnikany tolyq paidalana almaý máselesi sebep boldy. Jumys negizinen qolmen júrgizilip jatyr", – delingen habarlamada.
TJM psihologtary marqumdardyń týystary men kórshilerine shuǵyl psihologiialyq kómek kórsetedi.
Eske salsaq, 8 aqpanda Medeý aýdanynyń "Taý Samaly" shaǵyn aýdanyndaǵy Olimpiiskaia kóshesi boiynda tehnogendik sipattaǵy topyraqtyń lailanýy saldarynan lai kóshkini bolǵan. Ákimniń tapsyrmasy boiynsha bolǵan oqiǵanyń sebepterin tekserý jáne lai kóshkini saldaryn joiý boiynsha arnaiy top quryldy.
