Almatyda úsh adam qaza tapqan jol-kólik oqiǵasynan keiin áleýmettik jelilerde marqumdardyń jaqyndary emotsionaldy jazbalar jariialai bastady. Týystary men dostary ádil tergeý júrgizip, sottyń ashyq ótýin talap etýde, dep habarlaidy Dalanews.kz.
Almatyda Ál-Farabi dańǵylynda bolǵan ólimmen aiaqtalǵan jol apatyna bailanysty qoǵamdaǵy rezonans kúsheiip keledi.
Almaty qalalyq politsiia departamentiniń málimetinshe, jol apaty 21 naýryzǵa qaraǵan túni Ál-Farabi dańǵyly men Meńdiqulov kóshesiniń qiylysynda bolǵan. Batys baǵytta kele jatqan Zeekr kóliginiń júrgizýshisi qarsy jolaqqa shyǵyp ketip, qarsy baǵytta kele jatqan Mercedes-pen soqtyǵysqan.
Apat saldarynan Mercedes júrgizýshisi men onyń eki jolaýshysy oqiǵa ornynda qaza tapty. Zeekr júrgizýshisi túrli jaraqatpen aýrýhanaǵa jetkizildi.
Atalǵan derek boiynsha qylmystyq is qozǵalyp, sotqa deiingi tergeý júrgizilip jatyr.
Bul qaiǵyly oqiǵa qoǵamda úlken rezonans týdyrdy. Áleýmettik jeli qoldanýshylary istiń ashyq ári ádil tergelýin, kinálilerdiń jazalanýyn talap etýde.
