Almatydaǵy atys kezinde qatty jaraqat alyp, jedel medısınalyq járdem aýrýhanasynnyń jan saqtaý bóliminde jatqan eki polıseı qaıtys boldy. Dárigerler qolda baryn jasaýǵa tyrysty. Alaıda quqyq qorǵaýshylardyń alǵan jaraqattary tym aýyr boldy, dep habarlaıdy Baq.kz tilshisi qalalyq İİD baspasóz qyzmetine silteme jasap.

Polısıa serjanty Serik Erkenuly Ábildaev, 1973 jyly týǵan. Almaty qalalyq İishki ister departamentiniń Jergilikti polısıa qyzmetiniń jol-patrýldik polkiniń polıseıi, ishki ister organdarynda 1994 jyldan beri qyzmet etken. Úılengen, artynda úsh qyzy qaldy.

Polısıa leıtenanty Meırambek Nurıdıllauly Rahmatýllaev 1992 jyly týǵan. Almaly aýdandyq İİB ýchaskelik ınspektory, ishki ister organdarynda 2012 jyldan beri qyzmet etip kelgen. QR İİM jáne Almaty qalalyq İİD alǵys hattarymen birneshe ret marapattalǵan. Úılengen.

Aıta keteıik, buǵan deıin eki polıseı aýrýhanadan shyǵarylǵan bolatyn. Olardyń barlyǵy shildeniń 18-i kúni R.Kúlikbaevtyn qolynan jaraqat alǵan. Almaty aýrýhanasynda taǵy bir polıseı em alyp jatyr.