QR İİM basshylyǵy, ishki ister organdarynyń jeke quramy atynan qyzmettik mindetin oryndaý kezinde qaza tapqan polısıa qyzmetkerleriniń týystary men jaqyndaryna kóńil aıtty.
QR İshki ister mınıstriniń qoldaý haty boıynsha Almaty qalasynyń ákimdigi qaza tapqan polısıa qyzmetkerleriniń otbasylaryna turǵyn úı beredi.
Sonymen qatar, İshki ister mınıstriniń buıryǵymen tártip pen zańdylyqty sońyna deıin kúzetken ýchaskelik ınspektorlar “Quqyq tártibin qamtamasyz etýge kosqan úlesi úshin” medaldarymen marapattaldy.
Alataý aýdandyq PB JPQB ýchaskelik ınspektory, polısıa maıory Súleev Darhan Daýylbaıuly, 1982 jyly týǵan, QR İİM Almaty Akademıasynyń Magıstratýrasyn bitirgennen keıin 2003 jyldan bastap ishki ister organdarynda qyzmet etti.
2021 jyldyń tamyzynda ýchaskelik ınspektor laýazymyna taǵaıyndalǵan edi. İİO qyzmet etken jyldar ishinde ol 6 marapatqa ıe boldy, onyń ishinde “İshki ister organdaryndaǵy minsiz qyzmeti úshin” 3-dárejeli medalimen, sondaı-aq, “Qazaqstan polısıasyna 25 jyl” tósbelgisimen marapattaldy. Úılengen, kámeletke tolmaǵan bes balasy bar.
Alataý aýdandyq PB JPQB ýchaskelik ınspektory, polısıa kapıtany Baıǵazıev Nurbol Nazarbaıuly, 1988 jyly týǵan, ishki ister organdarynda 2014 jyldan beri qyzmet etken. Ol 13 marapatqa ıe boldy, onyń ishinde “Úzdik qutqarýshy jaýynger” jáne “Qazaqstan polısıasyna 25 jyl” tósbelgilerimen marapattaldy. Úılengen, kámeletke tolmaǵan eki balasy bar.
5 adamnyń ómirin qıǵan tragedıa Almatynyń Alataý aýdanynda ornalasqan Aqbulaq yqsham aýdanynda 20 qyrkúıek kúni keshke bolǵan. 1967 jyly týǵan er adam eki polıseıge, sot oryndaýshyǵa, daýly úıdiń jańa ıesi men onyń ókiline oq atqan. Beseýi de oqıǵa ornynda qaza boldy. Almaty polısıasy departamentiniń jedel-tergeý toby oqıǵa ornynda áli de jumys isteýde.
https://dalanews.kz/del-qazir/68135-almatydagy-tragediia-sot-oryndaushyla
