Almatyda halyqaralyq deńgeidegi qarjy piramidasy áshkere boldy. Bul týraly QMA málimdedi, dep habarlaidy Dalanews.kz.
QMA Almaty qalasy boiynsha departamenti Amir Capital qarjy piramidasyn qurý jáne ony basqarý deregi boiynsha tergeý júrgizip jatyr.
Ózin halyqaralyq investitsiialyq qor retinde tanystyrǵan Amir Capital kompaniiasy úsh jyl boiy Qazaqstan, Belarýs, Resei jáne Qyrǵyzstan azamattarynan kriptovaliýta saýdasy, maining jáne túrli jobalarǵa investitsiialaý arqyly 5–10% mólsherde tabys tabý ýádesimen qarjy tartqan.
Investorlar kompaniianyń resmi saity arqyly joldanǵan referaldy silteme boiynsha tirkelgen. Jeke kabinetterdi toltyrý kriptovaliýta túrinde (USDT, BTC, ETH) Amir Wallet ámiiany arqyly júzege asqan. Túsken qarajat qarjy piramidasynyń printsipi boiynsha bólinip otyrǵan, iaǵni buryn tirkelgen qatysýshylarǵa tólemder keiingi salymshylardyń qarjysy esebinen tólengen.
Bul piramidaǵa 40-tan asa adam tartylǵan. 2021 jyldyń sońynda salymshylardyń amir.capital platformasyndaǵy jeke kabinetterinen qarajat shyǵarý múmkindigi shektelgen.
Uiymdastyrýshylar bul jaǵdaidy tehnikalyq aqaý dep túsindirip, tólemderdi qaita bastaýǵa ýáde bergenimen, qarajatqa qol jetkizý múmkindigi qalpyna keltirilmegen.
"Quny 10 mln AQSh dollarynan asatyn kriptoaktivter men Almaty oblysyndaǵy jer telimin buǵattaýǵa sot sanktsiiasy alyndy. Kúdiktilerdiń biri 2 aiǵa qamaýǵa alyndy", - dep jazylǵan habarlamada.
