Shara Shoqan Ýálihanov atyndaǵy alańda ótti. Ony «Eriktiler ligasy» qoǵamdyq qory men «Qazaqstan ata-analar odaǵy» qoǵamdyq birlestigi uiymdastyrdy.
Qazaqstan ata-analar odaǵynyń teń quryltaishysy Baǵila Baltabaevanyń aitýynsha, saiabaqqa 700-den astam azamat jinalǵan. Bul ata-analar, eriktiler, aǵa býyn ókilderi.
Sahnadan qoǵam belsendileri, tanymal blogerler ata-analarǵa, balalarǵa, jastarǵa úndeý tastady. Salaýatty ómir salty, oqý, ata-anany qurmetteýdiń mańyzdylyǵy týraly áńgimeledi. Mysal retinde týǵan jerin qorǵaǵan dalanyń uly áielderiniń esimderi ataldy, olardyń arasynda Tomiris, Mánshúk Mámetova, Áliia Moldaǵulova bar. Jastardyń úilesimdi damýy úshin olardyń ómir jolyn zerdeleýdiń, jas qazaqstandyqtardy Otanǵa degen súiispenshilik rýhynda tárbieleýdiń mańyzdylyǵy atap ótildi.
Baǵila Baltabaeva atap ótkendei, shara «Eriktiler Ligasy» men «Qazaqstan ata-analar odaǵynyń» birlesken memorandýmy aiasynda uiymdastyrylǵan jobalardyń bir bóligi boldy. Bul salaýatty ómir salty, patriotizm, tarihty zerdeleý, dalanyń halyqtyq ádet-ǵuryptary taqyryptarynda seminarlar, treningter. Osyndai tárbielik máni bar jobalar barysynda, ásirese, ata-anaǵa qurmet, aǵa urpaqqa qurmet kórsetýdiń mańyzdylyǵy sóz bolady.
Shara barysynda tanymal ónerpazdardyń kontserti ótti. Sondai-aq, qolóner buiymdarynyń, dástúrli zergerlik buiymdardyń kórme-jármeńkesi uiymdastyrylyp, ǵasyrdan ǵasyrǵa jeter, dala qojaiyndary daiyndaǵan dástúrli buiymdar usynyldy.
