Almatyda úshinshi temirjol vokzalynyń qurylysy bastalady, - dep habarlaidy Dalanews.kz.
Alataý aýdanyndaǵy Almaty-3 vokzalynyń qurylysy aglomeratsiiany damytý jónindegi jobalar keshenine kiredi. Jańa temirjol platformasy júk jáne jolaýshylar leginiń bir bóligin qaita baǵdarlaýǵa, sonymen qatar, ainalymǵa qosymsha jolaýshylar poiyzdaryn qosýǵa múmkindik beredi, sonyń esebinen qalalyq avtojol infraqurylymynyń kólik júktemesi azaiady.
"Jańa temirjol platformasyn salýǵa arnalǵan aýmaq "Qazaqstan temir joly" Ulttyq kompaniiasy" AQ-ǵa tiesili magistraldyq jelide ornalasqan. Vokzal Mádeniet shaǵynaýdany mańynda salynady. Platformany "Qazaqstan temir joly" salady. 2 apta buryn jariialanǵan kólik qańqasyna sáikes tehnikalyq-ekonomikalyq negizdemesi daiyndalyp jatyr. Biz onyń merzimin 2026-2027 jyldar dep qarastyryp otyrmyz", – dedi Almaty ákiminiń orynbasary Asqar Ámrin.
