Almaty qalasynda jalǵa alynǵan páterdi tintý kezinde úsh sheteldikten 5 myńnan astam SIM-karta tabyldy, dep habarlaidy Dalanews.kz.
"QMA-nyń Almaty qalasy boiynsha departamenti úsh sheteldik azamatty ustady. Olardy jalǵa alynǵan páterde tintý barysynda alty SIM-boks anyqtalyp, tárkilendi. Bul qurylǵylar alaiaqtyq shemalarda jappai qońyraý shalý, habarlama jiberý jáne abonenttik nómirlerdi aýystyrý úshin paidalanylady. Sonymen qatar, túrli mobildi operatorlardyń 5 myńnan astam SIM-kartasy tárkilendi", – delingen Qarjy monitoringi agenttigi (QMA) jariialanǵan habarlamada.
Atalǵan tulǵalarǵa qatysty Qylmystyq kodekstiń 213-baby 2-bóligi (uialy bailanys abonenttik qurylǵysynyń, abonentti sáikestendirý qurylǵysynyń identifikatsiialyq kodyn zańsyz ózgertý, sondai-aq identifikatsiialyq kodty ózgertýge arnalǵan baǵdarlamalardy ázirleý, paidalaný jáne taratý) boiynsha sotqa deiingi tergeý tirkeldi.
"Kúdiktiler eki ai merzimge qamaýǵa alyndy. Olardyń internet-alaiaqtyqqa qatysy tekserilýde", – dep tolyqtyrdy QMA ókilderi.
