Almatyda turmysy tómen otbasylarǵa tegin úi beriledi
Almaty qalasynyń ákimi Baýyrjan Baibektiń málimdeýinshe turmysy tómen otbasylardy baspanamen qamtamasyz etý boiynsha «Bereke» qorymen jasasqan kelisim shart negizinde qalanyń Alataý aýdanynan tórt qabatty 6 turǵyn úidiń qurylysy bastalmaq. Sonymen qatar 120 oryndyq balabaqsha da osy aýdannan boi kóteredi dep josparlanýda.
«Kásipkerlerdiń qoldaýy arqasynda qalada 158 sport alańdary paida boldy. MJÁ aiasynda balabaqshalar kóptep ashylýda, sonymen qatar 4 mektep pen 1 emhananyń, ózge de obektilerdiń qurylystary bastaldy. Ótken jyly jalpy quny 40 mlrd. teńgeden astam memorandýmǵa qol qoiyldy», — dedi qala ákimi.
Ákimshilikpen memorandýmǵa qol qoiǵan «Bereke» qorynyń prezidenti Baǵdash Súleimenov bul qoǵamdaǵy qordalanyp qalǵan baspana máselesin sheshýdegi eń bir tyń qadam ekenin aitady.
«Bul memorandým Memleket basshysynyń biznestiń áleýmettik jaýapkershiligi jónindegi saiasatyn júzege asyrý bolyp tabylady. Bul istiń basty maqsaty — turmysy tómen otbasylarǵa qol ushyn sozý. Jaǵdaiy tómen januialar mundai úilerde tegin tura alady. Jalpy, bizdiń qorymyz kómekke muqtaj jandardy olarǵa kómek berýshilermen bailanystyrady», — deidi qor prezidenti.
