Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti Qazaqstan Respýblıkasy Táýelsizdiginiń 25 jyldyǵyna oraı, Qazaqstan Respýblıkasynda tilderdi damytý men qoldanýdyń 2011 - 2020 jyldarǵa arnalǵan memlekettik baǵdarlamasy aıasynda «Tekti sózdiń tóresi- terme» respýblıkalyq jyrshy-termeshiler baıqaýyn ótkizedi.

Atalǵan baıqaýǵa elimizdiń 14 oblysynan jáne Astana, Almaty qalalarynan bir-bir úmitkerden qatysyp, óz baqtaryn synaıtyn bolady.

Ulttyq tárbıe men halyqtyq ónerdi nasıhattaýǵa baǵyttalǵan bul baıqaýdyń basty maqsaty jańa jyr-termelerdi týdyrý arqyly jyrshylyq, termeshilik ónerge jańasha serpin berý jáne ádebı tildi damytýǵa, til mádenıetin jetildirýge úles qosý.

Baıqaýda jyrshy-termeshilermen birge dástúrli ánshiler, tanymal estrada juldyzdary óner kórsetedi.

İs-sharaǵa Mádenıet jáne sport mınıstrliginiń jaýapty qyzmetkerleri, ónertanýshylar, jyrshy-termeshiler, qoǵam qaıratkerleri, zıaly qaýym ókilderi men buqaralyq aqparat quraldarynyń ókilderi qatysady.

Ótkiziletin orny:     Almaty qalasy,«Alataý» dástúrli óner teatry, Momyshuly kóshesi, Alǵabas -1, 6-úı

Ótkiziletin ýaqyty: 24.11.2016 j., saǵat 15.00