Almatyda Shyǵys Qazaqstannyń bal jármeńkesi ótedi
Óskemen qalasy, Aiagóz, Zyrian, Glýbokoe, Katonqaraǵai, Ulan, Úrjar, Kókpekti, Shemonaiha jáne Tarbaǵatai aýdandarynyń ónimderi qoiylǵan saýda qalashyǵy eki kún boiy Shevchenko kóshesiniń boiyndaǵy Ǵylym akademiiasynyń aldyndaǵy alańda jumys isteitin bolady.
Almatylyqtar úshin 40 tonnadan astam túrli bal jáne bal ónimderi, panty óniminiń 27 túri ákelinedi. Sonymen qatar qala turǵyndary qolóner buiymdaryn satyp alý múmkindigine ie bolady.
Jinalǵan jurtshylyqqa Bal jármeńkesi barysynda Shyǵys Qazaqstan oblysynyń shyǵarmashylyq ujymdarynyń kontserti usynylady.
Sondai-aq, Almaty qalasynyń turǵyndary 2016 jyly Shyǵys Qazaqstannyń 5 kóne eskertkishinde júrgizilgen arheologiialyq qazbalardyń jádigerlerimen tanysa alady. Kórmede Berel qorǵany, Shilikti jazyǵy, Ablaikit qamal-monastirinde, Qyryqúńgir men Eleke sazynda tabylǵan artefaktiler kórmege qoiylmaq.
