Tańerteń Almatynyń batys bóliginde qoıma órtenip, aýyzdyqtaýǵa kelmegen ot janyndaǵy ákimshilik ǵımaratqa ótken. Oqıǵa ornynda órt sóndirý shtaby quryldy. Órt sóndirý joǵary órt júktemesimen jáne qoıý qara tútinmen qıyndyq týǵyzýda. Sýmen úzilissiz qamtamasyz etý sharalary uıymdastyryldy. Tipti, órtti sóndirýge avtopoıyz da tartyldy, dep jazady Dalanews.kz.

QR TJM baspasóz qyzmetiniń málimetinshe, shuǵyl baılanys jelisine órt týraly habarlama saǵat 8-26-da kelip túsken.

"Saǵat 8.26-da órt sóndirýshiler men órt sóndirý quraldary joǵary dárejege Ótegen batyr, 15 "A" mekenjaıyna jiberildi. Olar 8.31-de oqıǵa ornynda boldy. Oqıǵa ornyna kelip jetken qutqarýshylar qoımanyń órtenip jatqanyn, ottyń sol mańdaǵy ákimshilik ǵımarattyń shatyryna ótip úlgergenin anyqtady", delingen tótenshelikter habarlamasynda.

Zardap shekkender týraly aqparat 112-ge kelip túspegeni de naqtylanady.