Almatyda Roza Rymbaeva bastaǵan óner adamdary vaktsina saldyrdy
Ártis Roza Rymbaeva men onyń uly Áli Oqapovtyń vaktsinatsiiadan ótkeni týraly áleýmettik jeliler arqyly bilýge bolady. Sáýir aiynyń basynda kórermender zalynyń ornyna shyǵarmashylyq otbasyn Almaty emhanalarynyń birinde egý kabineti kútip turdy.
Roza Rymbaeva men onyń uly Áli Oqapov ekpe jasaýǵa kelgenmen, ózderin sahnada turǵandai sezindi. Vaktsinatsiiadan keiin ártisterdi meditsinalyq qyzmetkerlermen fotosessiia kútip turdy. Juldyzdar egý kabinetiniń aldyńǵy qatarda júrgen meditsina qyzmetkerlerimen rizashylyqpen sýretke tústi.
Endi halyq ártisiniń otbasy kórermendermen shynaiy kezdesýge daiyn. Búginde elimizdiń barlyq tanymal adamdary jappai vaktsinatsiianyń aiaqtalýyn jáne ádettegi ómir saltyna, sahnadaǵy qoiylymdarǵa, gastroldik týrlarǵa oralý úshin ujymdyq immýnitettiń qalyptasýyn kútýde.
Roza Rymbaeva men Áli Oqapov vaktsina alǵan kúni ánshi Dias Ablaev, sondai-aq model, ánshi Erjan Muhataev ta ekpe saldyrdy.
Almaty qalasynda vaktsinatsiiadan ótken barlyq tanymal adamdar kún saiyn júzdegen adamdarmen bailanysta bolǵandyqtan, adamdarǵa koronavirýsqa qarsy immýnitet qajet dep biraýyzdan kelisedi.
Tursenǵali Alagózov búgin vaktsinatsiiadan ótkenin onyń jubaiy Baian Alagózovanyń instagrammdaǵy paraqshasynan bilýge bolady. Prodiýser ári telejúrgizýshi Live rejiminde «Almaty» SOO aýmaǵynda egý naýqany qalai ótip jatqanyn túsirgen.
– Óte yńǵaily oryn. Biz vaktsinatsiiaǵa keldik. Qazir Tursenǵali Turymuly tamaqtanyp aldy, dárigerdiń suraqtaryna jaýap berýde. Mine qan qysymyn ólshep jatyr. Endi biz vaktsinatsiialanamyz, dálirek aitsam, men emes, ol. Múmkin men de alatyn shyǵarmyn, – deidi Baian Alagózova.
Aita ketý kerek, 18 jastan asqan barlyq adamdar ekpe saldyra alady. Vaktsinatsiianyń jasqa qarai shekteýleri joq. Kerisinshe, vaktsinanyń tiimdiligi dáleldengen. Ol aýrýdan tolyq qorǵaidy.
Jaqynda koronavirýsqa qarsy ekpe jasaǵan qazaqstandyq akter Jan Baijanbaev ásirese, sozylmaly aýrýlary bar adamdarǵa vaktsinatsiia jasaý týraly oilanýy kerek dep sanaidy. Ol «Spýtnik» vaktsinasyna senim arqanyn suhbatynda aitty.
– Men Qazaqstanda vaktsina paida bolǵan kezde ony mindetti túrde saldyratynymdy bildim. Ókinishke orai, men 20 jyl boiy ókpe aýrýynan zardap shegip kelemin jáne árine, soǵan qarai, men táýekel tobyndamyn. Sondyqtan dereý vaktsinatsiialaný kerek degen dárigerlerdiń nusqaýymen keldim. Men dosymmen telefon arqyly sóilesken kezde ol: «Jan, seniń demikpeń bar ǵoi, saǵan bolmaidy, - dedi.
Taǵy bir aktrisa Gúlnar Dosmatova óziniń vaktsinatsiiany tańdaǵanyn aitty.
– Biz kóptegen aýrýlardy vaktsinatsiianyń arqasynda jeńdik. Biz qazir tek ózimiz úshin ǵana emes, jalpy adamzat úshin jaýap beremiz. Tolyqqandy ómir súrip, únemi betperdemen júrmei, jaqyn adamdaryńnan shettep qalmaý úshin árine ekpe saldyrý kerek. Búkil álemde ujymdyq immýnitet qalyptaspaiynsha, biz aýrýdy jeńe almaimyz. Bar bolǵany sanaly túrde oilaný kerek, álemdik tájiribege súiený qajet, – dep sanaidy Gúlnar Dosmatova.
Almatynyń 200-den astam egý pýnktteriniń kez kelgeninde ekpe alýǵa bolatynyn esterińizge salamyz. Olar emhanalarda, SOO, bazarlarda, mektepterde, mádeniet nysandarynda ornalasqan. Kúndelikti, demalyssyz saǵat 8.00-den 20.00-ge deiin jumys isteidi.
