RAMS Qazaqstan qurylys kompanıasy 40 qabatty Beyond Almaty keshenin salý jobasyna qatysýdan bas tartty, dep habarlaıdy Dalanews.kz.
Turǵyn úı salýshynyń resmı saıtynda jarıalanǵan málimdemege saı, kompanıa 2025 jyldyń qyrkúıeginen bastap jobany júzege asyrýǵa qatysýshylar qatarynan bas merdiger retinde shyǵý týraly sheshim qabyldaǵany aıtylǵan.
— Kompanıa development salasyndaǵy basqa da mańyzdy bastamalardy júzege asyrýdy jalǵastyryp, sapanyń joǵary standartyn jáne turaqty damý qaǵıdattaryna beriktigin saqtaıdy, — dep atap ótti RAMS Qazaqstan.
Aıta ketetin bolsaq, RAMS Beyond kompanıasynyń Tımırázev kóshesi men Seıfýllın dańǵylynyń qıylysynda salynýy josparlanǵan 40 qabatty munara jobasy buǵan deıin keń qoǵamdyq rezonans týdyrǵan edi. Turǵyndar seısmıkalyq qaýipti aımaqta mundaı bıik nysannyń salynýy kólik kollapsyna ákelýi múmkin jáne ınjenerlik jelilerge qosymsha salmaq túsiretinine alańdaýshylyq bildirdi.
