Almatyda qoǵamdyq kólikte maska rejimin saqtaý boiynsha tekserý jalǵasýda
Almaty ákimdiginde atap ótkendei, reidter barysynda baqylaýdan basqa, qoǵamdyq oryndarǵa barý jáne jol júrý kezinde maskalyq rejim men áleýmettik qashyqtyqty saqtaý qajettiligi túsindirilip, profilaktikalyq áńgimeler júrgiziledi.
Tekserý kezinde qoǵamdyq kólikte maska rejimin saqtamaǵany úshin QR ÁQBtK-niń 425-baby 1-bóligi boiynsha barlyǵy 178 adam jáne bir kásiporyn ákimshilik jaýapkershilikke tartyldy.
Mysaly, 27 qyrkúiek kúni saǵat 19.20 shamasynda júrgizilgen monitoring barysynda tekserýshiler Nazarbaev dańǵyly boiynda ornalasqan №127 baǵyttaǵy avtobýstyń júrgizýshisi tarapynan zań buzýshylyqty anyqtady. Salonda ol maskasyz boldy, jolaýshylarǵa da eskertý jasaldy.
Budan basqa, Túrksib aýdanynyń monitoringtik toptary 20-27 qyrkúiek aralyǵynda Almaty áýejaiy men "Almaty-1" TJ vokzalyna tekserý júrgizdi. Monitoring barysynda jeke tulǵalar tarapynan 12 buzýshylyq anyqtalyp, hattamalar toltyryldy.
Aita keterligi, Almatynyń 20 qoǵamdyq kólik kásipornynda jolǵa shyǵar aldynda kólik quraldaryn ylǵaldy tazartylyp, dezinfektsiialaý júrgiziledi. Kásiporyndarda jyljymaly quramdy úzdiksiz óńdeýdi qamtamasyz etý úshin jetkilikti dezinfektsiialyq quraldar qory bar.
Sanitarlyq dárigerler Almaty turǵyndary óz qaýipsizdigine jaýapkershilikpen qaraý kerektigin atap ótti, óitkeni epidemiologiialyq tergeý málimetteri boiynsha, koronavirýsty juqtyrýatyn negizgi oryndardyń biri qoǵamdyq kólik bolyp tabylady, munda dert juqtyrý 19%-dy quraidy.
Almaty qalasynyń ákimdigi qala turǵyndary men qonaqtaryn ózderiniń jáne jaqyn adamdarynyń densaýlyǵyn saqtaý maqsatynda qoǵamdyq oryndarda, onyń ishinde qoǵamdyq kólikte epidemiologiialyq talaptardy saqtaýǵa shaqyrady. Sonymen qatar, vaktsinalaný qajet, óitkeni vaktsinalaný jetkiliksiz bolsa, onda koronavirýstyń jańa nusqalary paida bolady.
Eske salsaq, Qazaqstanda sońǵy eki aida infektsiialardyń basym kópshiligi buryn úndilik «delta» nusqasynan taraǵan. Ol ózinen burynǵy nusqalarǵa qaraǵanda 60%-ǵa juqpaly. Mysaly, ótken táýlikte Almatyda COVID-19-dyń 413 jańa jaǵdaiy anyqtaldy.
