Q. Altynbekov psıhıkalyq densaýlyqty baıypty qabyldaý qajet ekenin atap ótti. Psıhıkalyq buzylystardy emdeýge bolady, jáne bul kúrdeli: munda dári-dármekter, terapıa, fızıkalyq belsendilik jáne taǵy basqalar.
– Bıyl biz dúnıejúzilik Psıhıkalyq densaýlyq kúnin «barlyǵyna psıhıkalyq densaýlyqty saqtaý: muny shyndyqqa aınaldyrý» uranymen atap ótemiz. Bul álemdik qoǵamdastyqtyń kúsh-jigerin biriktirip, psıhıkalyq densaýlyq máselelerine nazar aýdarýdyń ornyn toltyra bastaýǵa múmkindik beredi, – dep atap ótti QR Psıhıkalyq densaýlyq ǵylymı-praktıkalyq ortalyǵynyń ókili.
Psıhıkalyq aýytqýlardyń aldyn alý, emdeý jáne memleket tarapynan qoldaý týraly aıta kele, Q. Altynbekov qazirgi ýaqytta elimizde 17 óńirlik psıhıkalyq densaýlyq ortalyǵy, qalalyq emhanalar qurylymynda 82 bastapqy psıhıkalyq densaýlyq ortalyǵy, aýdandyq deńgeıde 201 psıhıkalyq densaýlyq kabıneti jumys isteıtinin habarlady.
Buryn 2018 jylǵa deıin psıhıatrlar tek psıhıatrıalyq uıymdarda qabyldaǵan bolatyn. Endi azamattar psıhıkalyq densaýlyq ortalyqtaryna júgine alady.
Q. Altynbekovtyń málimetinshe, aǵymdaǵy jyldyń 9 aıynda alǵashqy psıhıkalyq densaýlyq ortalyqtary men psıhıkalyq densaýlyq kabınetterine kelýshiler sany 297 464 qurady.
«Halyqqa kómek qoljetimdi boldy, bul psıhıkalyq densaýlyq salasynda kómek kórsetýdiń pasıentke baǵdarlanǵan modelin damytý bolyp tabylady» dep atap ótti Q.Altynbekov. Ol psıhıkalyq aýytqýlary bar adamdarǵa arnalǵan psıhıkalyq densaýlyq uıymdarynda 735 tósek-oryndy kúndizg 16 stasıonadyń jumys isteıtinin habarlady.
– Aıta keterligi, balalarǵa qoljetimdi kómekti damytýǵa kóp kóńil bólinedi. Máselen, sońǵy jyly balalarǵa arnalǵan 65 tósek-orynǵa arnalǵan kúndizgi stasıonardyń 3 bólimshesi quryldy, Qaraǵandy oblysynda jáne Shymkent qalasynda aýysymyna 20 kelýden balalarǵa arnalǵan medısınalyq-áleýmettik ońaltýdyń eki bólimshesi ashyldy, Densaýlyq saqtaý uıymdarynda balalar psıhıatrlarynyń sany 2017 jylǵy 65-ten 2021 jyly 97-ge deıin, ıaǵnı 67%-ǵa ulǵaıdy, – dedi Q. Altynbekov.
Jyl saıyn dárigerler jańa bastaǵan psıhıatrlarmen tolyǵady. Mysaly, 2021 jyly rezıdentýrany bitirgen 124 psıhıatr dáriger jumysqa kiristi. 2022 jyly rezıdentter túlegi 98 mamandy quraıdy.
Jalpy, Q. Altynbekovtyń pikirinshe, qazaqstandyqtar psıhıatrıalyq kómektiń sapaly qyzmetterin erkin paıdalana alady. Alaıda, COVID-19 pandemıasy medısınalyq uıymdar men ár adamnyń josparlaryna túzetýler engizdi.
«Ótken jyldyń 4 sáýirinen bastap elimizde ınternet platforma jumys isteıdi https://onlinehealth.kz BUU Balalar qorynyń (IýNISEF) qoldaýymen DSM respýblıkalyq Psıhıkalyq densaýlyq ǵylymı-praktıkalyq ortalyǵy uıymdastyrǵan, onda konsýltasıalar (onlaın), jazbasha suraqtarǵa jaýaptar qoljetimdi, ózine-ózi kómek kórsetý boıynsha aqparat qamtylǵan, sondaı-aq psıhıkalyq densaýlyq mamandaryna, onyń ishinde mektep psıhologtaryna qıyn jaǵdaılarda kómek kórsetý úshin resýrstar bar», - dedi Bas dırektordyń mindetin atqarýshy.
Osy ýaqyt ishinde saıtqa 80 myńnan astam paıdalanýshy keldi, olar 250 myńnan astam kirýdi júzege asyrdy, 400-ge jýyq tolyq onlaın konsýltasıalar ótkizildi, usynymdar bere otyryp, 200 jazbasha ótinish qaraldy.
Sonymen qatar, platformada mamandardyń qatysýymen vebınarlar ótkizilip, mektep psıhologynyń tájirıbesinde kúrdeli naqty jaǵdaılardy taldaý júrgiziledi. Vebınarlar jazbalary Youtube-te QAZAQSTAN Dental center arnasyna ornalastyrylady.
