Almaty qalasyndaǵy ippodromda ótken Naýryz meiramy aiasynda qazaqstandyq shabandozdar birden eki álemdik rekord ornatty, dep habarlaidy Dalanews.kz
Is-sharanyń sharyqtaý sheginde sadaqshy Dinara Saidalina túie ústinde 10 sekýnd ishinde 4 nysanany dál kózdep, erekshe sheberlik kórsetti. Bul nátije Ginnestiń rekordtar kitaby tarapynan resmi túrde tirkeldi.
Sondai-aq, shabandoz Ernar Jasuzaq at ústinde qoldyń kómeginsiz, tizgindi tisimen ustap, shamamen saǵatyna 60 shaqyrym jyldamdyqpen 500 metr qashyqtyqty eńserip, taǵy bir álemdik rekordqa qol jetkizdi.
Mamandardyń aitýynsha, mundai triýkter joǵary deńgeidegi dene daiyndyǵyn, dáldik pen tepe-teńdikti talap etedi jáne asa qaýipti bolyp sanalady.
Ulttyq sport pen dástúrli ónerdi ushtastyrǵan bul kórsetilimder kórermenderdiń erekshe qyzyǵýshylyǵyn týdyryp, Naýryz meiramynyń eń jarqyn sátteriniń birine ainaldy.
