Abai atyndaǵy QazUPÝ-da IýNESKO qorǵaýyndaǵy Qazaqstannyń tarihi jáne mádeni murasyn qorǵaý jónindegi jumys tobynyń ekinshi otyrysy ótti.
Jiynǵa QR Mádeniet jáne aqparat ministri Aida Balaeva tóraǵalyq etti.
Otyrysqa oblys ákimderiniń orynbasarlary, ortalyq memlekettik organdardyń ókilderi, Qazaqstan Respýblikasynyń IýNESKO jáne ISESKO isteri jónindegi Ulttyq komissiiasynyń músheleri, sondai-aq ǵalymdar, arheologtar men qoǵamdyq uiym ókilderi qatysty.
Qatysýshylar materialdyq emes mádeni jáne dúniejúzilik murany qorǵaý sharalaryn jaqsartýǵa baǵyttalǵan is-sharalar josparyn, sondai-aq IýNESKO-nyń «Álem jady» halyqaralyq baǵdarlamasyn júzege asyrý máselelerin talqylady.
Aida Balaeva IýNESKO Konventsiialarymen bekitilgen mindettemelerdi oryndaýdyń mańyzdylyǵyn atap ótti. Ministr barlyq deńgeilerde úilesimdi jumys qajettigin jáne materialdyq emes mádeni murany anyqtaý men damytý daǵdylary boiynsha kadrlardy daiarlaý úshin bilikti sarapshylardy tartýdyń mańyzdylyǵyn aitty.
«Eń aldymen, mamandardyń biliktiligin arttyrý boiynsha jumysty kúsheitýimiz qajet. Oqytý mazmundy jáne paidaly bolýy tiis. Jedel túrde oqý modýlderin daiyndap, óńirlik jáne ortalyq deńgeide kýrstar ótkizýge kirisýimiz kerek», – dedi ministr.
Qazaqstannyń Materialdyq emes mádeni murany qorǵaý jónindegi Ulttyq komiteti tóraǵasynyń orynbasary Rústem Muzafarov, Qazaqstannyń Dúniejúzilik murasy jónindegi komitettiń tóraǵasy Gúlmira Muhtarova jáne IýNESKO-nyń «Álem jady» baǵdarlamasy boiynsha Ulttyq komitetiniń tóraǵasy Ǵaziza Nurǵalieva qatysýshylarǵa óz jumys josparlaryn usyndy.
Jospar aiasynda jergilikti atqarýshy organdardyń mamandary men etnomádeni birlestik ókilderiniń biliktiligin arttyrý, sondai-aq materialdyq emes mádeni murany zertteý jáne nasihattaý qarastyrylǵan.
Qatysýshylar pikir almasyp, aldaǵy jumystyń basym baǵyttaryn aiqyndady.
Jiyn sońynda usynylǵan sharalardy engizý, barlyq múddeli taraptardyń kúsh-jigerin úilestirý jáne Qazaqstannyń mádeni murasyn qorǵaý boiynsha is-sharalar keshenin tiimdi júzege asyrý úshin naqty usynystar ázirleý máseleleri talqylandy.
