Almatyda jaqyn arada Qazaqstandaǵy alǵashqy krematorii iske qosylady, dep habarlaidy Dalanews.kz.
9 qańtarda jerleý jáne zirattardy kútip-ustaý isin uiymdastyrý qaǵidalaryna ózgerister engizetin buiryq tirkeldi. Qujat krematorii qyzmetine quqyqtyq negiz qalyptastyryp, elimizde krematsiia rásimin alǵash ret zańnamalyq deńgeide júrgizýge múmkindik beredi.
Buiryq kúshine engennen keiin Almaty qalasyndaǵy krematorii sanitarlyq jáne quqyqtyq talaptardy saqtai otyryp, resmi túrde jumysyn bastaidy.
Qazirgi ýaqytta krematsiia qyzmetterine arnalǵan tarifterdi bekitý rásimi júrgizilip jatyr. Qyzmet quny men kórsetilý tártibi týraly aqparat Almaty qalalyq patologoanatomiialyq biýrosynyń resmi saitynda jariialanady.
Aita keteiik, 2025 jyldyń qyrkúieginde Almatyda aldaǵy alty-jeti jylda jerleýge arnalǵan oryndar taýsylatyny habarlanǵan bolatyn. Qalada barlyǵy 70 zirat bar, onyń 61-i búginde jabylǵan. Jańa zirattarǵa arnalǵan jer telimderi bekitilip jatyr, alaida olar Almaty oblysynyń aýmaǵynda ornalasady.
