Almatyda metro salý jáne kólik toraby qurylysy úshin jer telimderi májbúrlep alynady. Bul týraly qala ákimdiginiń qaýlysynda jazylǵan, dep habarlaidy Dalanews.kz.
Qujatta kórsetilgendei, Naýryzbai aýdanyndaǵy "Qalqaman" stantsiiasynan "Barlyq" bazaryna deiin qurylys salý úshin sol aralyqtaǵy jer telimderin nemese ózge de jyljymaityn múlikti májbúrlep ielikten shyǵarý bastalady.
Bul aýmaqqa birinshi metro jelisiniń úshinshi kezeńi nysandary men kólik torabyn salý kózdelgen.
Jer telimderin májbúrlep ielikten shyǵarý 2026 jyldyń 31 jeltoqsanyna deiin jalǵasady.
Jer ýchaskeleriniń ielerine zańda belgilengen tártippen ótemaqy tólenedi.
