Almatyda Mercedes mingen júrgizýshi jol jıegindegi úsh adamdy qaǵyp ketti

Dalanews 14 aqp. 2018 11:54 491

Almatyda kólik jol jıeginde turǵan úsh adamdy soǵyp ketti, qaza bolǵandar bar, – dep habarlaıdy Sputnik Qazaqstan.

Jol apaty Raıymbek dańǵylynan tómen Kúderın kóshesinde boldy. Oqıǵa kýágerleriniń aıtýynsha, Mercedes E-Class soltústik baǵytta úlken jyldamdyqpen kele jatqan.

Raıymbek dańǵylynan tómen qaraı júrgizýshi rólge ıe bola almaı, jol jıegine shyǵyp ketip, osy jerde turǵan úsh jaıaý júrginshini qaǵyp, odan keıin dúńgirshikke baryp soǵylǵan.

67 jastaǵy áıel jedel járdem kelgenshe kóz jumdy. Eki adam túrli jaraqattarmen aýrýhanaǵa jetkizildi. Bireýi óte aýyr halde jatyr.

Oqıǵa ornynda jol polısıasy men krımınalıser jumys isteýde.

Usynylǵan
Sońǵy jańalyqtar