Almatyda kóshe jaryǵyn qalpyna keltirý boiynsha aýqymdy jumystar júrgizilýde. "Almaty Qala Jaryq" KMK basshysy Igor Mysik zakon.kz bergen suhbatynda júrgizilip jatqan jumystar týraly aityp berdi, dep habarlaidy Dalanews.kz.
Onyń aitýynsha, qalada eski shamdardy jańa jaryqdiodty shamdarǵa (LED) jappai aýystyrý júrip jatyr. Búgingi tańda 5 myńnan astam eski shamdar LED-ge aýystyryldy jáne bul baǵyttaǵy jumys jalǵasýda. Igor Mysik mundai shamdar áldeqaida jarqyrap, uzaqqa sozylatynyn jáne elektr qýatyn az tutynatynyn atap ótti.
Sonymen qatar, 2024 jyldyń jazynda «Almaty Qala Jaryq» kompaniiasy respýblikalyq jáne jergilikti mańyzy bar tarihi jáne mádeniet eskertkishterin túngi jaryqtandyrýdy ótkizý jumystaryn aiaqtady. Olar qalanyń barlyq aýdandaryn qamtydy, 56 eskertkish pen biýst qosyldy, qosymsha jaryqtandyrý úshin 128 projektor ornatyldy.
28 gvardiiashy-panfilovshylar atyndaǵy saiabaqta da aýqymdy jumystar júrgizildi. Alleialarda, trotýarlarda jáne alańdarda jaryqtandyrý jelileri tolyq retke keltirilgen. Alty shaqyrymnan astam jańa jeliler salyndy, 470 sham aýystyryldy, 450 avtomatty ajyratqyshtar ornatyldy. 
Ár fonar men projektordy qosýdyń egjei-tegjeili shemalary bar saiabaqty jaryqtandyrý júiesiniń pasporty jasaldy. Qazir Jeltoqsan saiabaǵynda da osyndai jumystar bastaldy.
Aita keteiik, 2024 jyldyń qańtar aiynan bastap AQJ úsh kompaniiadan turatyn konsortsiým memlekettik-jekeshelik áriptestik sharty boiynsha óz mindetterin oryndamaǵannan keiin qaladaǵy jaryqtyń basym bóligine jaýap beredi. 2023 jyldyń jazynda qala ákimi Erbolat Dosaev jeke seriktespen shartty buzyp, barlyq jelilerdi aýdan ákimdikteriniń balansyna berýdi tapsyrdy. Búgin olardyń barlyǵy kásiporynmen jelilerge qyzmet kórsetý týraly kelisim jasady. Osylaisha, AQJ 2025 jylǵa qarai kósheni jaryqtandyrýdy 100% - ǵa deiin jetkizýdi josparlap otyr.
