"Keiingi kúnderi naýqastar sany azaiyp jatqanyna qýanyp, jaǵdai turaqtalyp kele jatyr dep esepteimiz. Aýrýhanaǵa jatqyzylǵan naýqastardy salystyrmaly túrde qarastyrsaq, úide emdelip jatqan naýqastar sany sáýirde 7200 bolsa, qazir 1700-ge jetti. Iaǵni, 5 jarym ese azaidy. Sáýirde, naýryzdyń sońynda úshinshi tolqyn kelgen kezde táýligine 450-470 naýqas aýrýhanaǵa jatqyzyldy, al qazir sońǵy táýlikte 97 adam aýrýhanaǵa tústi. Bul – qýantatyn jaǵdai", - dedi Tabynbaev.
Aitýynsha, naýryzda aptasyna úsh myńnan astam adam aýrýhanaǵa jatqyzyldy. Alaida mundai jaǵdaiǵa aldyn ala daiyndyq júrgizilgendikten, oryn tapshylyǵy bilinbedi.
"Jaǵdai durystaldy. Buǵan almatylyqtardyń meditsinalyq maska taǵyp, toiǵa barýdy, qoǵamdyq orynǵa barýdy azaitýy, sanitarlyq-gigienalyq tártipti saqtaýy men vaktsinalaýdyń áseri bar dep otyrmyz", - dedi basqarma basshysy.
"Qazir úsh túrli stsenariiǵa daiynbyz. Eger naýqastar sany kóbeise, rezervte 7011 tósek-oryn daiyn tur. Birte-birte tósek-oryndy bosatyp, árbir mekeme ózi beiimdelgen jumysyna aýysýǵa daiyndalyp jatyrmyz. Rezerv jetkilikti. Taǵy bir tolqyn kelip jatsa, densaýlyq saqtaý basqarmasy tolyq daiyn", - dedi Tabynbaev.
Al qalanyń bas sanitar dárigeri Jandarbek Bekshinniń aitýynsha, qalada 40-59 jastaǵy azamattardyń arasynda aýrý juqtyrý deńgeii 1,1%-ke jáne 60 jastan asqandar arasynda aýrý 0,9%-ke tómendedi.
"Mamyrdyń sońǵy aptasynda epidemiologiialyq ahýal turaqtaldy, sáýirdegi 700 jaǵdaidan ótken táýlikte 290-300 jaǵdaiǵa deiin tómendedi. Táýliktik ósim aidyń basyndaǵy jaǵdaidan 1,2%-ten 0,4%-ke deiin 3 ese tómendedi, al syrqattaný deńgeii sońǵy bir aptada kúnde 7,7%-ke tómendedi", - dedi qalanyń bas sanitar dárigeri. Sondai-aq Jandarbek Bekshin qandai jaǵdaida qalypty ómirge oralýǵa bolatynyn aitty. "Eger barlyq karantindik shekteýlerdi ustanyp, sondai-aq vaktsina saldyryp, halyqtyń 70%-inde ujymdyq immýnitetke qol jetkizsek, onda barlyq shekteýlerdi alyp tastaimyz. Mysaly, Izrailge qarap vaktsinatsiianyń qanshalyqty tiimdi ekenin kórýge bolady. Onda halyqtyń 78%-i vaktsina saldyrdy, adamdar burynǵy ómirine oraldy", - dedi Bekshin.
Aita keteiik, 25 mamyrdaǵy jaǵdai boiynsha Almatyda 293 928 azamat vaktsina saldyrdy.
Derekkóz: sputnik.kz
