18 jeltoqsanda Almatynyń barlyq aýdanynda jańa jyldyq shyrshanyń shamy bir ýaqytta jaǵyldy. Negizgi merekelik is-shara Abai alańynda, Respýblika saraiynyń aldynda ótti, dep habarlaidy Dalanews.kz.
Bul jerde biiktigi 22 metr bolatyn qalanyń bas shyrshasy ornatyldy. Jańa jyl qarsańyndaǵy saltanatty rásimge Almaty ákimi Darhan Satybaldy men júzdegen qala turǵyny qatysty.
Qala turǵyndary men qonaqtaryna zamanaýi mýltimediialyq tehnologiialardy, aýqymdy jaryq bezendirýdi jáne qazaqstandyq estradanyń tanymal oryndaýshylarynyń ónerin biriktirgen mazmundy merekelik baǵdarlama usynyldy.
Qalanyń jańa jyldyq bas shyrshasynyń shamyn jaǵý rásiminiń aldynda Respýblika saraiynyń qasbetinde eki minýttyq lazerlik shoý kórsetildi.
Ǵimarattyń qasbetinde Almatynyń ózindik bolmysyn beineleitin aýqymdy jaryq keskindemeleri kórsetildi. Kórneki beinelerde qalanyń tanymal simvoldary — taýlar, búrkit beinesi, sondai-aq jańa jyldyq elementter qoldanyldy. Kompozitsiiany jarqyn qar ushqyndary, názik jaryq órnekteri men dinamikalyq jaryq sáýleleri tolyqtyryp, merekelik ári saltanatty atmosfera qalyptastyrdy.
Baǵdarlamanyń taǵy bir basty bóligi, jaryq shoýyn ásem tolyqtyrǵan sahnalyq feierverk boldy, ol merekelik kóńil kúidi odan ári kúsheitti.
Kórermenderge qazaqstandyq estrada juldyzdary, shoý-balet artisteri men mánerlep syrǵanaýshylar oryndaǵan «Kel, Jańa jyl!» vokaldy-horeografiialyq kompozitsiiasy usynyldy. Sondai-aq, sahnada Qazaqstannyń Halyq artisi Roza Rymbaeva, Áli Oqapov, Mádi Rymbaev, «KeshYOU», «Jigitter», «Astra» toptary, sondai-aq Baljan Bidash pen Kodi óner kórsetti.
