2025 jylǵy mamyrda Almaty qalasynda Ulttyq qaýipsizdik komıteti prokýratýra organdarynyń úılestirýimen 2 esirtki zerthanasy men prekýrsorlary bar iri qoımany joıdy, dep habarlaıdy Dalanews.kz.
Esirtki zattaryn daıyndaý kezinde QR 3 azamaty ustaldy, olarǵa qatysty sot sanksıasymen qamaýǵa alý túrindegi bultartpaý sharasy qoldanyldy.
15 kg-dan astam «mefedron» psıhotropty zaty men 650 lıtr prekýrsor, sondaı-aq esirtki zattaryn daıyndaýǵa arnalǵan zerthanalyq jabdyq anyqtalyp, tárkilendi.
Qylmystyq kodekstiń 297-baby boıynsha sotqa deıingi tergep-tekserý júrgizilýde.
Ózge aqparat Qylmystyq-prosestik kodekstiń 201-babynyń 1-bóligine sáıkes jarıa etýge jatpaıdy.
