Almatyda elektromobilderge arnalǵan zariadtaý stantsiialaryn ornatýǵa 163 mln teńge bólindi.
Almaty ákimdiginen málim etkendei, “Almaty" áleýmettik-kásipkerlik korporatsiiasy” AQ enshiles uiymy, “Almaty Finance” JShS elektromobilderge arnalǵan joǵary jyldamdyqty zariadtaý stantsiialaryn satyp alýǵa 163 mln teńge bóldi.
Atalǵan somaǵa Almatyda 28 jańa qýatttaý stantsiiasy ornatylady.
“2023 jyly Almatyda avtokólik quraldarynyń ziiandy zattar shyǵaryndylarynyń kólemi 112 myń tonnadan asty, bul shyǵaryndylardyń jalpy kóleminiń 60%-yn qurady. Elektromobilderge kútim jasaýǵa úshin qolaily jaǵdai jasaý kólikti elektrlendirý jolyndaǵy mańyzdy qadam.Nátijesinde qala ekologiiasy jaqsarady”, - dep atap ótti “Almaty Finance” JShS basqarma tóraǵasynyń orynbasary Juldyz Igenov.
Buǵan deiin Qazaqstanda 2023 jyly elektromobilder sany 10,4 ese óskeni týraly jazǵan bolatynbyz.
Sarapshylardyń pikirinshe, buǵan qazaqstandyqtarǵa kóliktiń ekologiialyq taza túrine kóshýi úshin memleket beretin kvota sebep boldy. Óitkeni elektromobildiń atmosferaǵa ziiany joq. Sondyqtan memleket ony satyp alǵanda keden jáne salyq tólemderinen bosatatyn kvota berdi. Mine, osydan keiin satyp alýshylar kóbeidi. Byltyr qańtar-qazannyń ózinde Qazaqstanǵa kvota boiynsha 6 875 elektromobil ákelindi.
