Memlekettik baǵdarlama boiynsha konkýrsqa qatysý úshin Biznes-jospar edu.qolday.kz oqytý platformasynyń konstrýktorynda qurastyryldy. «Qoldaý» kásipkerlik ortalyǵynyń menedjerleri joba boiynsha konsýltatsiia berip, súiemeldeý jumystaryn júrgizdi.
Jobanyń negizin qalaýshylar-erli-zaiypty Itenovtar. Záýre Itenova «BTsP Life» qoǵamdyq qoryn basqarady, Asan Itenov Paraolimpiadalyq oiyn boiynsha «Bochcha» federatsiiasyn basqarady. Kópbalaly otbasy BTsP diagnozy qoiylǵan 14 jastaǵy balasyn tárbielep otyr.
«CP Life EDU» ońaltý-resýrstyq ortalyǵynyń missiiasy – kemtar balalardy emdeýde barynsha járdemdesýdi qamtamasyz etý, balanyń múmkindikterine sáikes ony jan-jaqty damytý jáne olardyń ómir súrý sapasyn jaqsartý maqsatynda sportpen shuǵyldaný qajettiligin qamtamasyz etý.
Ortalyqtyń qyzmeti beiimdelgen dene shynyqtyrý (BDSh) sabaqtaryna yntalandyrý jáne oqytý protsesi arqyly múmkindikteri shekteýli balalardy keshendi ońaltý boiynsha is-sharalardy júrgizýge baǵyttalǵan. Budan basqa, ortalyqta BTsP bar balalardy tárbielep otyrǵan ata-analarǵa psihologiialyq jáne aqparattyq qoldaý kórsetiledi, balalardy barynsha tolyq áleýmettik beiimdeý men qoǵamdyq paidaly ortaǵa yqpaldastyrýdy qamtamasyz etedi.
Ortalyqta sondai-aq kompiýterlik saýattylyq, mobilografiia, sketching, skretch (baǵdarlamalaýdyń jańa ortasy), STEM, sheshendik óner, qarjylyq saýattylyq, art-terapiia, shet tilderi, jasóspirimderge arnalǵan kásiptik baǵdar berý siiaqty qyzmetter kórsetý josparlanýda.
Jalpy bilim berý baǵdarlamasy boiynsha mektepterde oqityn erekshe balalarǵa arnalǵan repetitorlyq kýrstar ashý josparda bar.
Jyl basynan beri Qoldaý KO-da tegin negizde 50 793 konsýltatsiia berildi, 694 biznes-jospar/joba ázirlendi, 36,7 mlrd.teńge somasyna qarjylandyrýǵa deiin 113 joba súiemeldendi, 669 ruqsat qujattary alyndy, 4 657 tyńdaýshy oqytyldy.
Qyzmet bastalǵannan beri Qoldaý KO-da 189 263 konsýltatsiia berildi, 2 021 biznes-jospar ázirlendi, 86,7 mlrd.teńge somasyna qarjylandyrýǵa deiin 403 joba súiemeldendi; 1 574 ruqsat qujattary alyndy. Baǵdarlama boiynsha 21 602 tyńdaýshy oqýdan ótti.
