Almatyda biznesmenderdi qorqytyp kelgender ustaldy, dep habarlaidy Dalanews.kz.
Uiymdasqan qylmysqa qarsy kúres basqarmasy jáne Ulttyq qaýipsizdik komiteti jedel izdestirý is-sharalary barysynda qylmystyq topqa qatysy bar jeke kúzet mekemesiniń zańsyz áreketin áshkereledi.
Tergeý barysynda olar shaǵyn jáne orta biznesti tolyq baqylaýǵa alý maqsatynda oiyn-saýyq oryndarynyń basshylary men qyzmetkerlerine qysym kórsetip, zańsyz áreketter jasaǵany anyqtalǵan.
"Olar mekemelerdi kúshpen basyp alyp, sol jerlerde "qaýipsizdik" qyzmetin júzege asyrǵan. Qylmystyq top músheleri Almaty qalasynda, Jetisý, Túrkistan, Mańǵystaý, Jambyl jáne Almaty oblystarynda ustaldy. Qylmystyq toptyń 20 múshesi quryqtaldy. 40-tan asa tintý júrgizilip, jeti atys qarýy tárkilendi, onyń ishinde úsh kesilgen myltyq, Makarov tapanshasy, Kalashnikov avtomaty jáne 100-den asa oq-dári bar", - dedi IIM uiymdasqan qylmysqa qarsy kúres departamentiniń ókili Qýandyq Alpys.
Buzaqylyq, bopsalaý, adam urlaý, óz betinshe bilik júrgizý jáne densaýlyqqa ziian keltirý derekteri boiynsha qylmystyq ister tergelip jatyr.
Toptyń jetekshisi men qatysýshylaryna qatysty uiymdasqan qylmystyq top qurý, oǵan basshylyq etý jáne qatysý derekteri boiynsha sotaldy tergeý bastaldy.
