Almatyda baýkespeler Májilis depýtatyn tonap ketti

Dalanews 27 qań. 2020 07:13 332

Bul týraly Smırnovanyń ózi Facebook-te jazdy.




Parlament Májilisiniń Qarjy jáne búdjet komıteti múshesi Irına Smırnova Almatyǵa kelip, avtokóligimen júrgen kezinde kóshedegi usaq urylardan qorlyq kóripti, dep habarlaıdy Dalanews.kz. 

Bul týraly Smırnovanyń ózi Facebook-te jazdy.

Onyń sózinshe, úsh apta buryn urylar kóliginiń terezesin shaǵyp, ishindegi sómkesin syp etkizgen.

Qaıta depýtattyń sómkesinde qundy dúnıeler bolmaǵan eken.
- Qujattarym ózimmen birgen júretin kishkentaı sómkede bolatyn. Qundy zattarymnan aıyrylmasam da, jaman bolyp qaldym. Polısıaǵa shaqyrǵym kelmegen, óıtkeni olardyń uryny taýyp beretinine men de senbeımin. Biraq janymda bolǵandar polısıa shaqyrý kerek degen keńes berdi. Polıseıler tez keldi. Biraq kele salyp aıtqan sózi meni eseńgiretip tastady: "Nesine perejıvat etesiz? Urylar qashan da bolǵan, áli de bola beredi. Neǵyl deısiz endi?", dep qarap turdy, - dep jazdy Irına Smırnova.\


Usynylǵan
Sońǵy jańalyqtar