Seminardy Túrkitildes jýrnalister qory Shevron kompaniiasynyń qoldaýymen uiymdastyryldy.
Media forýmdy “Túrkitildes jýrnalister qory” qoǵamdyq qorynyń prezidenti Náziia Joiamergenqyzy ashty.
Eki kúnge sozylǵan seminarda eldiń ár óńirinen jinalǵan tilshiler Túrkiia men Italiiadan, Ózbekstannan kelgen spikerlerdiń dárisin tyńdady.
Italiiadaǵy Sheteldik jýrnalister assotsiatsiiacynyń prezidenti Esma Chakyr, Túrkiiadaǵy Antalia Jýrnalister odaǵynyń tóraǵasy Idris Tash, Túrkiia jýrnalister konfederatsiiasy Halyqaralyq qatynastar jónindegi Bas úilestirýshisi Mevlýt Ieni, Ózbekstandaǵy «Narodnoe slovo» gazetiniń jaýapty hatshysy Nýrlan Ýsmanov syndy bedeldi mamandar media trener boldy.
«COVID-19: infodemiia» taqyrybynda dáris oqyǵan Esma Chakyr hanym jýrnalistiń qyzmeti, aqparatty berýdegi ózgeshelikter, sońǵy kezdegi jańa tendentsiialar taqyrybynda qundy aqparattar berdi.
Seminar aiasynda áriptesimiz «Jýrnalistikanyń yqpaly jáne sóz bostandyǵy» haqynda sóz qozǵady.
Ózge spikerler túrki elderiniń ortaq aqparat keńistigi, dástúrli media jáne jasandy intellekti, jańa medianyń úderisteri jáne aqparattyq qaýipsizdik taqyrybynda oi qozǵap, pikirlerin ortaǵa saldy.
«Social Media: Definition, effects and list of top Apps» taqyrybynda sóz qozǵaǵan Idirs Tash myrza qazaq jýrnalisteri mazalaǵan suraqtarǵa jaýap berdi.
Al, Ózbekstannan kelgen trenter Nurlan Ýsmanov óz elindegi jýrnalisterdiń qazirgi jai-kúii, olardy oqytý, daiyndaý syndy tájiribelerimen bólisti.
Al, “Shevron” kompaniiasynyń ókili Ainur Saǵynbaiqyzy men QazUÝ Jýrnalistika fakýlteti IýNESKO-nyń jýrnalistika jáne kommýnikatsiia kafedrasynyń meńgerýshisi Nazgúl Shyńǵysova PR bilim berý men kompaniianyń media quraldarmen qarapaiym jumysy jaily aqparattary aýditoriiaǵa óte qyzyqty boldy.
Shara sońynda «Túrkitildes jýrnalister qory» QQ men «Shevron» kompaniiasynyń seriktestiginde uiymdastyrylǵan «Áleýmet – qoǵam ainasy» baiqaýynyń jeńimpazdaryn marapattaý saltanaty boldy.
